 |
| Photo: Google Image |
Kohhran din tirh laia ringtu
hmasate kha an inhmu hovin an tawngtaiho thin a. An harsatna leh lawmnate in
share tawnin an tawngtaiho thin a ni. Chu chu vawiin thlengin kohhranho leh
Kristiante pawh hian chhawm chhunzawmin kan harsatna leh lawmnate kan in share
tawn thin a, chhungkua leh kohhran tan a sawt hle a ni. Mahni in chhungah pawh
kan harsatna leh manganna te kan share ngam loh va, kan lawmna pawh kan inhrilh
ngam loh chuan kan in chhungah Pathian Thlarau Thianghlim tihharhthar lehna kan
mamawh tihna a ni ang.
Chhungkaw tawngtaiho thinte hi an
zahawm a, sual leh ramhuaite pawhin an bei ngam ngai lo. Vawiina kohhranhote
leh chhungkua kan tawngtaihona hian kan chhehvela ramhuai inlar thei zawng
zawng a um kiang dawrh thei a ni tih hi kan hriat reng a tha hle mai. Chhungkaw
tawngtaihona hian nasa takin hna a thawk thei a ni tih hriain kan harsatna te
inhrilh tawnin kan intawgtaisak tawn hi a pawimawh hle a ni.
Kan harsatna leh manganna te
chhungkuaa thlen hmasa lova kan thiante emaw kan thenawm tee maw kan chhungkhat laina te emaw hnena
kan thlen chuan kan chhungkaw kal dan leh inawp dan a fuh lo tan a, kawng dika
kaltir leh turin tanlak kan mamawh tan tihna a ni. Chuvangin chhungkaw thu chu
chhungkuaah vek kan ching fel hmasa ang a, chhungkuaa chin fel a lo remchang ta
lo a nih chauhvin midangte hnenah thurawn kan la chauh tur a ni. Mahni chhungkaw
thu midangte hnena thlen fote hi a Kristian Chhungkaw nun lo hle a, chhungkuaa
harsatna chu chhungkua vekin a chin fel dan a zawng hmasa fo tur a ni.
Tum khat chu an chhungkuaa chhung
inkhawm hun hmangin an tawngtai avangin Kenchicka
te chhung chu cheng sing khat an chawitir a. Chumi hnua a thu sawi chu i lo
ngaithla dawn teh ang. “Chhungkaw tawngtai hlutzia hi a lo va mak
em! Vawi khat tawngtaiho hi cheng singkhat huah an ngai a ni. Tun atang chuan
ni tin vawi hnih kan tawngtai ziah taw hang.” tiin chhungkaw tawngtai
hlutzia a sawi a. Keini chuan chhung inkhawm kan hmang a, chhung inkhawm leh
chhungkua Pathian thua inpawlhona kan neih te hi min tibuaitu an awm loh avang
hian a man tamzia kan hre thin lo va, chhung inkhawm hman avanga pawisa hial chawitirna
ramah chuan a man a tam em atin a ni.
Chhungkaw tawngtai hlutzia leh
pawimawhzia hi hrechiang ila chuan tuna kan awm mai mai ang hi chuan kan awm
hauh lo vang a, kan taima zual sauhvin a rinawm. Chhungkaw tawngtai hlutzia leh
pawimawhzia kan hriat loh avangin kan inthlahdah thin a, tu te emaw tih turah
kan ngai thin a, a pawi tak zet a ni.
No comments:
Post a Comment