Hriselna Huang

Hriselna leh Taksa Vitamin

Hriselna atana kan mamawh Vitamin hi chi hrang hrang a awm a, Vitamin A,B,C,D,E leh K te an ni a, Vitamin B hi B1, B2, B6, B12 bakah chawhpawlh, B Complex a awm bawk.

Vitamin 'A'

Tisa tihriseltu a  ni a, thlaiah te, bawnghnute, sathin ah te a awm. Vitamin A ei hnem/tam lutuk chuan sam a tlakawlh thei.

Vitamin 'B1'

He Vitamin hi Thiamine an ti bawk. Buh, artui chhungmu, sathin ah te  a tam em em a, ke vung (Beriberi) natna laka min vengtu a ni.

Vitamin 'B2'

Vitamin 'B2' hi Riboflavin an ti ve tho va. Bawnghnute, thlaihring, artui leh saah te a awm.

Vitamin 'B6'

He Vitamin hi hmeichhiain thi an neih dawna natna eng engin emaw a tlakbuak thin enkawl nana hman a ni.

Vitamin 'B12'

Vitamin B12 hian kan thling atangin thisen sen (red blood cells) a siam chhuak a, a pawimawh hle a ni. He Vitamin hi thin atanga lakchhuah a ni.

Vitamin 'B Complex'

Vitamin B ho sawi tak chawhpawlh a ni.

Vitamin 'C'

He Vitamin hi "Ascorbic Acid" tiin an ko bawk a, thei thurah leh thei lam chi leh thlai hringah a awm a; natna chi khat 'Scurvy' laka min vengtu a ni. Tin, hritlang na lutuk atan pawh a tha.

Vitamin 'D'

Thahrui chat kan tih ang te, tisa phu zuk zuk ang te laka min vengtu a ni a. Tin, "Rickets" an tih, ruh tinotu laka min vengtu a ni bawk. Sangha thauvah te, butter ah te leh artui chhungmu ah te a awm. Tin, ni zungin kan taksaah hian a siam thei bawk.

Vitamin 'E'

He Vitamin hian nau neih theih lohva ching lakah min veng a. Buh, sa, bawnghnute ah te leh artui chhungmu ah te a awm.

Vitamin 'K'

Thi danna kan tih mai hi a ni a, thisen chhuak tikhangtu a ni. Thlai hringah a awm.

Thulakna : Mizoram General Knowledge
 __________________________________________________________________________________

TV En Tamin Lung Natna Thlen Awlsam

A tuk azana TV hmaa thuta en reng hian a en velote aiin lung natna a thlen awlsam bik a ni tiin Doctor mithiamte chuan an sawi a ni. An enchhinnaa an hmuh chhuah chu TV hmaa thuta ni khatah darkar 1 lek kan en ringawt pawh hian lung natna avanga thih theihna zaah pasarih (7%) a kai chho thei a ni tih hi a ni. Britain (UK) a mi tam tak chuan an rilru leh mit chak zawng Chanel tin reng enin nitin darkar 4 tha vel an hun khawhral nan an hman thin avangin lung natna thlen theihna percentage pawh a sang hle a, zaah sawmhnih leh pariat (28%) lai a han san thu British Research Council chuan a tarlang a ni. 

He Chhungkaw TV enlai thlalak hi @infoniac atanga lak chhuah a ni.

A chhan chu Britain (United Kingdom) ah hian kum tin mi 193000 chuang lung natnain an thi thin a, ramchhunga natna chi hrang hrang thihnaah percentage a san ber thu an hmu chhuak. He an research beihnaa an hotu ber Dr.Catherine chuan mihring taksa hi awm hmun sawn lo va, darkar rei tak tak thut hi a nih dan phung a ni lo tiin a sawi. Research beitute chuan mi 373 thi tawhte awm dan an en chian a, ngun thluk taka an sawiho hnu chuan tuna an hmuh dan hi mipui hriatah an tlangzarh ta a ni. Chuvangin TV hmaa hun rei tak tak thutna lak ata kan fihlim theih phawt chuan kan taksaa lung natna hlauhawm thlen theihna zaah pariat (8%) a tlahniam thei dawn a ni.... tiin mithiamte chuan an sawi a ni.