Solomon-a thu leh hla te hian mifing angin a hming a tithang zual a. A thu leh hla hi ngun taka kan zir chuan a tam ber hi chu mimirin kan hmuh leh kan hriat sa ni mai awm khawpa thil tlanglawn niin a lang. 'Chhanna nemin thinur a tikiang thin a, mahse awka vin erawh chuan thinurna a chawktho thin.' te a'n ti a. He thu finzia hi hun leh ni lo ral zel hian a tidanglam ve hauh lo mai. I mimal nunah midangte nen in inkar chu tawngkam nemin nasa takin a tiphuisui thei a, midangte rilru tihliam thei tawngkam erawh chuan a cho chhuak duhawm lo thei khawp mai.
Miin i thin khei tur ngeia thil an tiha haider mai emaw, engmah tih ve loh emaw chu thil awlai a ni hek lo va, mihring pianzia pawh a ni lo. A tawng thei nazawngin an diriam tur leh an kamchhe tleuh nan kan awm tur pawh a ni chuang hek lo. Nu pakhat, riahbuk te tak te enkawltu pawh hi mi pakhatin biakhlatnain,"In vawk huang ve-ah khan zan khat riah man engzahnge in chhiar le?" a rawn ti a. Chu nu chuan,"Pindan khatah vawk pakhat tan zan khatah cheng sarih, mahse chu pindanah vek chuan midang an luh belh dawn chuan cheng thum an chawi ve zel a ngai. Vawk engzatnge in nih?" a ti ve hmiah mai zu nia.
He nu ang vek hian hmuhsitna tawngkam chhan letna tha tawk kan phawrh remchang thei kher lo vang. Tam tak phei chuan kan duhdana chhan letna chu a hnu feah chauh kan ngaihtuah chhuak thin. Mahse hmuhsitna tawngkam hi a rul tawk chiaha kan chhan let hian eng hlawkna nge kan hmuh le?
Nitina kan mihringpuite nena kan inpawlnaah hian atu amah hi kan famkim lo tih thuah hi chuan kan chiang ang. Kan vai mai hian eng kimhlelhna emaw chu kan pai vek a, chutihlaiin duhawmna lai chu kan pai tel vek a ni. Midangte lak atang hian an thatna awm pawh kan chawilian tihna a ni ang.
Tu emaw chuan heng thu hi hlachang mawi takah a lo chantir tawh :
"Nasa lehzualin hawihawm ila,
Nep zawkin duh lam thlang ila.
Nasa zawk pe chhuak ila,
Nep zawkin duham ila,
Nasa lehzualin keimahniho tan,
Nep zawkin keima mimal tan.
Nasa zawkin nui ila,
Nep zawkin tap ila.
Nasa lehzualin pangparte,
Hringnun tivul turin par se,
Hringnun tawp chhinchhiah tur
Thlan hmunah tlem zawk par se."
Thulakna : Heile Vawiin
Letlingtu : P.L.Liandinga
Thianpa Puia chu i ziak tha dap dap hle mai. Post mahseberin a zir bawkah a lehpek tur pawh a ngaihnawm chho zel turah ngai ila, tan han la zel teh.
ReplyDeleteEkhai.... tilawmawm hle mai, min duhsakna zawng zawngah lawmthu ka sawi e. Nasa lehzuala tan lak ka tum dawn nia. I hna i tluang maw?
ReplyDelete