Kristian Thalai Chu A Taima Tur A Ni
Kristian kan nih angin Bible-in min zirtirna thu hi kan dah lal ber zel ang a, Kristian Thalai chu a taima tur a ni ringawt mai. Bible-in,"Thawk peih lo chuan ei pawh ei suh se," tih hi Kristian nun bul intanna a tihtheih hial awm e. Taihmakna tello chuan eng hna mah hi a thawh tak tak theih loh va. Ram ropui tehna chi khat chu neih thil 'Hausakna' hi a ni awm e. Chu hausakna ropui tak chu hmu leh nei tur chuan mihring a taihmak phawt a ngai a, chu taihmakna chuan hlawhtlinna a thlen ta thin a ni. Thufing pakhat chuan,"Mi taima tan chuan nitin mai hi hnathawhna ni a ni a tih laiin 'Mi thatchhe tan chuan nitin mai hi awl ni a ni," a ti ve thung.
Kan chenna leilung dintu ngei pawh khian taihmaknain bul min lo tansak tawh a, kan Pathian khi thatchhe Pathian a ni lo va, taima Pathian a ni zawk. Kan Pathian ngeiin kan chenna leilungah hian hausakna chi tin reng a lo phum ru teuh mai a, chumi chu taihmak chhuaha hai peih apiangin leilung hausakna hi an hai chhuak tam mai a ni. Chuvangin kan chenna leilung hi mi thatchhe tan chen peihna tlak a ni lo va, mi taima tan erawh chuan chhuansan phal chi a ni lo ve thung. Mi taimate din chhuahna, hlawhtlinna, din channa khawvel a nih laiin mi thatchhiate tlakchhiatna, hlawhchhamna, tlakranna khawvel a ni. Chu taihmakna erawh chu inzirtir chhawn a ngai a - Taihmakna hi a thu (theory) ngawta inzirtir ai chuan a thawha thawhnaah ngei hian taihmakna tluantling (hlawhtlinna) a awm a, chumi ngei chuan rah thlamuanawm tak a chhuah thin a ni.
Chuvangin Kristian Thalaite chu Kristian ve lo te aiin kan taima tur a ni tawp mai. Chu taihmaknaah chuan Lalpa tihna han belh leh ta i la, khawvela ringtu awhawm ber te zinga mi kan ni tawh ang. Mihring sum hlu chu taihmakna a ni a.(Thuf. 12:27 b) Taihmakna chungchang sawi dawn hi chuan pu Tirhkoh Paula kha rilruin a dap tel lo thei lo va, khaw nge amah pu Paula ngei hi i han sawitir teh ang. "Tupawhin hna a thawh duh loh chuan ei pawh ei suh se," tih hi.(1 Thes. 3:10) A lawmawm hle mai pu Paul, i chungah kan lawm tak meuh meuh a ni e. Nidangah pawh Zofa Kristiante hian kan rawn sawm zel dawn che nia. Tirhkoh Paula hian taihmakna a ngaih pawimawhzia kan hmu thei a, amah ngei pawhin Chanchin Tha hril phaha hna a thawh thinzia thu pawh kan hmu bawk. Tin ku hnathawh hi a hlawkna lam chauh pawh ni lovin miten min ngaihsanna tur a nih thu pawh a tarlang nghe nghe a ni. (1 Thes. 4:11-12) Paula hian taihmakna hlutzia hi a hrechiang mai pawh ni lovin a nunchilh tawp a ni ber mai.
Kan thupuiin min kawhhmuh ang khian Kristian Thalai chu a taima tur a ni ringawt mai. Chu taihmakna nun chu a zirchhuah em ni i lo ti a ni mai thei. Theih teh meuh mai, kan sawi tak zawng zawngte kha i nun lo inenfiah (X'Ray) nan hmang la, chumi i hriatfiah hnuah chuan taihmak loh tum mah la, i nun kha ho lam deuhvah i phalrai mai mai phal tawh lo vang. Tichuan,:Hringnun hi inenfiahna tello chuan a puitling thei lo," an tih hi i lo hrefiah telh telh tawh ang. Chuvangin Kristian Thalai chu hnam dang, sakhaw dang bia thalaite aiin thlarau lamah pawh taksa lamah pawh kan taima ngei ngei tur a ni.
Ku Muan@Ko Chinlay, Van ziak tha dap2 ve ous!!!
ReplyDeletehaha.. tilawmawm e, Mizolanu
ReplyDeleteI lo chhiar a, ka lawm hle mai.... nidangah pawh rawn tlawh thin rawh aw.....
Va han ro pui ve le. Pathian in hna thawk tur hian min siama chu hna thawk peih lo tan chuan lei hi anchhedawng tak tak ani e. Mitaima tan chuan lei hi hlawkna, malsawmdawnna tak tak ani. I ziak tha hle mai tan han la sauh sauh la, Pathian in kan hnam hmasawnna a tan hian a hmang duh che ni in ka hria,, Pathian in malsawmche rawh se...
ReplyDeleteSaya Chhar, tilawm lutuk ringawt.... ka lo tum zel dawn nia. I mi tawngtaipuina lo chuan ka puitlin theih pawh ka ring lo. Min lo tawngtaipui zel dawn nia aw....... Ka rilru leh thinlung takin ka lawm a ni e.
ReplyDeleteatha hle mai...mizo kristian thalaite tan fuih tu lo ni zel ang che👏👏
ReplyDelete