Mipain nupui kawm rem thei lovin then se la, man zawng zawng a batte nen a pe kim vek tur a ni. Chu chu "Mak" an ti.
Hmeichhia zawkin a pasal kawp rem thei lova a then chuan - Man zawng zawng a pasal pek let vek tur a ni. Chu chu "Sumchhuah" an ti.
Mipain a nupui thlak nan hmeichhe dang a lak luh chuan a nunpui man a bat zawng zawng a pek kim vek bakah kum khat thawhchhuah kha zat leh zatin an insem tur a ni. Hei hi "Kawngkasula mak" an ti.
Nupa ngam leh ngam inthen se la, hmeichhe man kha zat leh zatin an insem tur a ni. Hmeichhe man pek sa a lo tam chuan a then a chhuak leh a, peksa a lo tlem chuan pek belh a ni thung. Hei hi "Sumlaitan" a ni.
Nupa inkawm rem lovin inthen an duh tlan ve ve chuan man peksa zawng zawng leh a la kim lo pawh a nih ang anga khawih che tawh lovin inthen se la, "Peksachanga inthen" an ti.
Mipain nupa fan se la, thutiam hlen kim hmain chhuak leh se la, a luhpui zawng zawng a chan vek a, hei hi "Sazumeidawh" an ti.
Hmeichhia pasal pawmlai neiin mipa dang lo ngai se la, man zawng zawng a chhuak vek a, a pasalina a ken luh zawng zawng pawh a tang vek bawk thin a. Chu chu "Uire" an ti thung.
Thulakna : Mizoram General Knowledge
No comments:
Post a Comment