Political avanga tang te chhuah thuai turin UN Secretary Ban Ki Moon-an Myanmar President Thein Sein a ngen
 |
| UN Secretary Ban Ki Moon leh Myanmar President Thein Sein Photo : DVB |
Political avanga lung in tang mek te chhuah thuai turin UN Secretary Ban Ki Moon-an Myanmar sawrkar chu a ngen nawn leh a ni.
Association of South East Asian Nations, Indonesia-a neihnaa hruaitute inhmuh khawmnaah UN Secretary Ban Ki Moon-a pawh lo telin Myanmar President U Thein Sein nena an inhmuhnaah urhsun taka a ngen thu chanchin bu mite hnenah a sawi a ni. Political avanga lung in tang te hi kum 2014 thleng nghah a tul kher loh thu a sawi bawk. Heng thil hi khawvel mipuiten a lo thlen thuai an nghakhlel ang bawkin, chu an nghahhlelhna tihlawhtling tur chuan President Thein Sein hian mawhphurhna a nei a ni tiin a sawi tel bawk.
He inhmuhkhawmnaah hian President Thein Sein-an Myanmar lo zin tura a sawmna chu UN Secretary Ban Ki Moon-a chuan a pawm thlap a, a rang thei ang bera zin a tum thu pawh a sawi a ni.
UN Secretary Ban Ki Moon-a hi Myanmar Foreign Minister Wanna Maung Lwin nen Zirtawpni khan an inkawm bawk a ni.
Thu lakna : DVB
No comments:
Post a Comment