Zo Vapual

Engnge i ngaihdan le?

Salai Martin

Sipai sawrkar buatsaih inthlanna kha kum 7th Nov, 2010 khan neih a ni a, sipai sawrkar inthlanna buatsaih na na na chu anmahni mi leh sa te vek thlan tlin an ni ta a. A hmingin mipui sawrkar inthlanna ti chuan an vuah ve tak na a, an sipai kawr hlipin mipui hming vuahin inthlannaah nihna tha tha chang thei turin an chuh leh tho ta si a. Kha inthlanna kha kei chuan naupang inkhualtelem ang vel lekah ka ngai a ni. Naupang in chai vel mai mai te pawh a tih theih ang chu. 

Hmun thenkhatah anmahni sipai ralthuam nen an vau a, a bik takin tlangmi te, tlang chunga awm te leh an ngam zawng te phei chu an vau lehzual a, an sipai party Pyi Khaing Phyo party chu thlang ngei ngei turin an vau bet tlat a nih kha. Hmun thenkhatah chuan PKP party vote pek thlak lohna hmunah pawh PKP chuan vote an hmuh thu te dawn a ni bawk. Khati khawpa sipai sawrkarin inthlanna bawraw tak, duk dak lo tak a buatsaih kha keini Mipui sawrkar thlawp tlattute chuan kan pawm lo va, kan pawm lo mai pawh ni lovin inthlanna pawh kan chuh lo a nih kha. 

Tun hnaia Thein Sein-a sawrkar leh kan pi ber Suu Kyi inbiakna te, leh pi ber pawhin tun inthlan lehnaa tel a tum thu te hian ramchhung mipuite rilru a khawih mai bakah khawvel pumpui atanga Burma ram lo thlir mek tute rilru a khawih lo thei lo a ni. Tun lo kal tura inthlanna hi inthlanna dik a ni thei ang em? Sipai sawrkar kut chhuak Thein Sein-a sawrkar hian mipui a bum tumna a ni leh mai lawng maw? He inthlanna lo awm tur hi Mipui duh dana inthlanna tak tak a ni thei ang em? tih te leh adt.... zawhna tam tak a awm thei a ni. Thein Sein-a sawrkar hian khawvel mipui te bum nan a ti leh mai mai a ni lawng maw tih te pawh rilru chuan a hlauthawng rum rum a, chuti ni lo va mipui duh dan dik taka inthlanna a nih ngat chuan a lawmawm dawn lutuk a, Myanmar ram hian a History ah Chapter pawimawh tak a rap chho a tih theih ngei ang. Chuti ni lo va ramchhung mipui te leh khawvel sawrkar bum nana thil a ti leh a nih vaih chuan Myanmar ram chuan chhiatna zawng zawnga chhiatna tawp khawk kan thleng tihna a ni bawk ang.

Tunhnaia US Secretary Hillary Clinton-i lo zin tur hian khawvel beng a verh hle mai a, a zin theih ngei pawh a beisei awm a, Thein Sein-a sawrkar thar nen hian thil puitling tak pawh an sawi a rinawm bawk a ni. Pi Clinton-i lo kal tur hi kan pi ber sawmna ngai pawimawha lo kal tur a nih mai bakah pi ber remtihna a tel bawk. US Secretary Hillary Clinton-i lo zin hian kan ram tana thil pawimawh tak leh chhinchhiahtlak tak min tihsak ngei a beisei awm bawk. 

Tun dinhmuna kan ram sawrkar thar hmalaknaah chuan a awm ang chho/sawt hle mai a, nakin inthlanna an buatsaih leh turah hian eng tak ang maw? Beiseina lian tak nen i han thlir zel phawt ang aw.....

Aw.... Democracy.... Kan Ram Tan......