Zo Vapual

Engvanginnge Mumang Hi Kan Neih?

Chhanna: Kan muthilh hlanin mumang kan nei thin a. Chawhrualin mitinin zan khatah mumang vawi 2 emaw vawi 3 emaw kan nei ziah a, hriat chhuah leh hriat chhuah loh kan nei mai chauh a ni. "Mumang ka nei lo" ti hote hian an nei tho va, an hrechhuak zo lo mai chauh a ni. 

Photo : Google Image

Kan mumang leh kan nun dan phung hian inzawmna a nei. Kan ril a tam chuan chutiang lam hawi, ei tur lam pang chu mumangah kan mang thin. Mumanga chaw kan ei chuan kan puar thei lo reng reng, kan ei tak tak loh avangin. Mumangah kan zun chuan kan zung zo thei lo. Kan zung zo a nih erawh chuan awngphah a huh dup ang. Kan duhna, kan chak zawngte tihpuitlinna a awm loh leh up beha a awm hian mumangah a inlar chhuak thin a ni an ti a, hetiang a nih avang hian mumang hrilhfiahtute pawhin mumang atangin an hrilhfiah thei fo.

Photo : Google Image

Mumang kan neih lai hian kan mit a che rang deuh zel a, kan thiltih zulzui a chhui ve zel angin an che a ni. Muthilh that theih zan loh zanin mumang neih a awl bik bawk. Mumang neih hun chhung hi minute 15 atanga 20 thleng vel a ni. Mi a muthilh hlana a mit a phut zeih zeih chuan mumang a nei thin a. Thenkhat chuan an mang lamah thil harsa tak tih dan an ngaihtuah chhuak thei. Mizo Upaten 'Kelchang mangman' an lo tih thin chu mumang, a taka harh huna lo awm thin hi a ni a. Mumangah pawisa lo dawng teuh ta i la, a takah bill la teuh mai bawk i la, kelchal mangman a ni. A bill neih kha a hre reng a, a ngaihtuahnaah a riak a, a hrechhuak zo lo mai a ni a, chu a duhna chu a mangah a lo lang ta a ni. A mumanga a hmuh avangin bill la ta chu a ni lem lo.

Mumang chungchang hi hriatfiah vek chu la ni lo mahse hriselna atan a tha niin an ring.

Thu lakna : Science Thungaihnawm
                 Padmashree A. Sawihlira