Zo Vapual

Kan muthilh hlan hian kan taksa eng anginnge a awm?

Photo : Google Image

Kan thluakah hian hmun pakhat, khirhkhan deuh mai hi a awm a. "Muthilhna Centre" an vuah a, kan thisena calcium awm hian he hmun hi a thunun tlat mai a. He centre hian calcium a dawn hnem tawk chuan kan muhil mai a ni. Ranah chuan he centre-a calcium chiu luh chuan an muhil nghal mai, thisena chiu luh erawh chuan an muhil nghal mai lo. Tichuan he muthilhna centre hi kan cheuh hle avanga damdawi chemical engemaw kan taksain a tihchhuah chuan a han chawk tho ni ngei tur a ni. Hei hi he centre-in calcium a hmuh hma hi a ni a. Tichuan he centre hian calcium a han dawng a, kan muhil ta mai a ni. Kan muthilh hian he centre hian thil pahnih a thawk a. Pakhatnaah chuan thluak hriatna bawm a khar phui a, kan duh danin kan awm thei ta lo va, engmah kan hre ta lo va. Pahnihnaah chuan hriatna thazamte a khar phui a, kan kawchhung leh kan fukete an muhil ta bawk a.

Kan muthilh hian kan taksain hnathawh tam tak a nei thung. Vawi 20 atanga vawi 40 vel kan let vel a, kan hre lem lo. Thisen a insem reng tho, lungphu a muang hret, paitawih hna a pangngaiin a thawk zui, thin leh kalin an hna an thawk zui tho. Kan taksa lum lam 1'C velin a tla hniam hret. Kan taksaa thil chhe paih hna a thawk zawm reng tho a ni. Puitlingin 7-8 hrs muthilh kan mamawh, kum 15 chinin darkar 10 an mamawh. Muthilh hun pangngai zelah zan tin muthilh tum tur. Muhil thei lo ten doctor-in an chawh a nih loh chuan mutna damdawi sleeping pill an ei mai mai tru a ni lo.

Kan muthilh hian kan taksa chau lai te a lo harhin cell chhe tawhte a insiam thar a, kan chak leh deuh hnuin sleeping centre-a calcium awmte an lo tlem tial tialin kan lo thangharh leh ta mai a ni.

Thu lakna : Science Thungaihnawm
                A. Sawihlira