Burmese Literary Event 2011 kan hmang
by LM Kima
Vawiin ni 19 November 2011 hian Burmese Literary Event 2011 kan hmang. Chawhnu dar 1:00 atanga tlai dar 6:10 thleng hun kan hmang a, kal khawm mipuiten kan hlawkpuiin kan kham lo kher mai. Mi 100 tha vel kan kal khawm a, kan hlawkpui hlawm hle a ni.
Burmese Literary Event hi Nita Yin Yin May huathawtnain kan hmang a, Burmese Literary Event tih a nih angin kawl tawnga thu leh hla hmanga inpawlhona neih a ni. Kawl tawnga thu leh hla lama hmasawn theihna tura huaihawtna a nih avangin kawl tawng veka hun hman a ni bawk. Burma ram chhungah hian hnam hrang hrang leh tawng hrang hrang te kan awm teuh va, chung zawng zawng min khaikhawmtu chu Kawl tawng kan tih (Burmese, Bamar) hi a ni a, a ramchhunga cheng hnam hrang hrang te zingah pawh hmun a luah zauvin ram a la chak em em a ni. Burma ram chhunga tawng tualleng, official tawnga hman a nih avangin a hmangtute pawh an tam a, Burma ram chhunga hnam hrang hrang te zingah chuan thu leh hla lamah an sang ber a ni.
Thu leh hla lama inpawlhona a nih angin mi thiam thenkhat te hnen atangin fuihna thu tha tak tak kan ngaihthlak mai bakah ramchhung atanga lehkha ziak thiam ho hnen atangin fuihna thu tha tak tak kan ngaithla bawk a, ramchhung atangin video hmangin an la chhawng a, tichuan he lamah rawn thawnin vawiin ni Burmese Literary
Event 2011 ah hian an fuihna thusawi tawngka te kan enin kan ngaithla bawk a ni.
Chawhnu dar 6 a rik fel hnu thleng khan kan la ngaithla a, kal khawm mipuiten kan hlawkpuiin kan kham lo hle a ni. Zawng chhang leh tih zel tlakah kan ngai.
No comments:
Post a Comment