PROTEST DEMANDING RELEASE ALL POLITICAL PRISONERS IN BURMA
by L.M.Kima
 |
| Photo - Chinland Guardian |
Vawiin ni 1st September,2011 hian 88 New Generation Student pawl huaihawtnain Burmese Embassy hmaah demonstration (kawngzawh runpui) neih a ni a, mi 100 tha dawn lai kan kal khawm. He demonstration-in a tum ber chu political avanga tuna jail chhunga la tang mek 88 student leaders Ko Min Ko Naing, Ko Ko Gyi, Ko Mya Aye, Ko Zar Ganar, leh midang 2000 chuang jail chhunga awm mek te chhuah thuai/vat tura ngenna a ni. Tunah hian political avanga sipai sawrkarin jail-a a khung tak, jail tang mek mi 2000 chuang an awm a, chung mite chu a rang thei ang bera chhuah zalen thuai turin kan ngen a ni.
Pu Ring Du Lachyang thu sawi pawimawh thenkhat te chu :
@"Free All Political Prisoners in Burma" tih hi kan thupui a nih angin tuna political avanga jail bang la zut mek te an lo chhuah theihnan keinin nasa taka kan beih a pawimawh thu te
@Politic avanga mi 2000 chuang teh meuh jail tang mek te chhuah ngei tura ngenna te,
@Thenkhat te chu kum 65, 60, 50 tang tura an chungthu an rel te an ni hlawm a, chung mite chuan an damchhungin jail-ah an hun an hmang tawh dawn a, chung mite chu an lo chhuah vat theihna turin vawiin niah keini ho hian nasa taka hma kan lak a tulzia thu te,
@Thein Sein-a sawrkar thar chuan, 'Ral tlante lo hawng rawh u' a ti tak na a, tuna la tang mek te hi chhuah zalen hmasak an nih phawt loh chuan engtinnge kan rin ngam a, engtinnge kan rin theih ang? Hei hi Democracy dik tak a nih theih loh thu te,
@Sipai sawrkarin an sawi leh an thiltih a in an thin loh thu te, an sawi ang chiaha an tih leh si loh thu te,
@Free Burma din a hun tawhzia thu te, federation country din thuai a hun tawhzia thu te,
@Hnam tin, chi tin, pawl tin te tel kimna Democrcy ram kan din hi a hun tawhzia thu te a tarlang a ni.
 |
| Photo - Ko Martin |
Tichuan keini Chin Community United Kingdom aiawh atang pawhin Rev.Shwekey-an thu a sawi a, pu Shwekey-a thu sawi thenkhat te chu:
@Dawhkan pakhatah zalen takin kan ngaihdan kan sawi ho vang an ti an ti a, an sawi anga an tih leh chuan si loh thu te,
@Political avanga lung in tang mek te tana chawngheina neih te, tawngtaina nei te an awm avanga a lawm thu leh thlamuanthlak a tih thu te,
@Community hrang hrang, hnam tin pawl ho hrang hrang te kan nih angin hmun thenkhatah kan duh dan leh ngaihdan a in an loh chang a awm ang, chutih hunah pawh chuan Democracy ram din hi kan thupui ber a nih a, kan tum thu hmun a nih angin lungrual taka ke pen ho zel a pawimawhzia thu te,
@He Burmese Embassy-a thawkte kaltlanga thu chahin tuna political avanga lung in tang mek 2000 chuang te zalen taka chhuah tura ngenna thu te,
@Pawl hrang hrang leh hnam tin hruaitu an man te chhuah ngei tura ngenna thu te,
@Sakhaw hruaitu an hren mek te chhuah zalen tur leh zalen taka an awm theih nan te,
@Heng mite zawng zawng an chhuah fel hnu chauh lovah chuan Zalenna ram dik tak a ni thei lo hrim hrim.
@Union Burma tak tak din a nih theihna tur chuan hnam pakhat chauh lal hrawtna tih tawp a nih a, hnam tin hming kim chuanna Dawhkan a lo nih hunah chuan kan ram hian Federation Country kan din thei ang a, Union Burma dik tak a ni thei chauh vang..... tih thu te a sawi bawk a ni.
Tichuan mi thenkhat hnen atang pawhin fuihna thu chah kan ngaithla chhunzawm leh a, chawhnu dar 1:15 vel thleng kan ngaithla.Chumi hnu chuan 8888 New Generation hruaitute hnen atangin puan tur pawimawh awmte puan a ni a, tichuan kan hlapui kan sak hnuin hunserh kan ti tawp ta a ni.
Free free - Burma, Burma!
What do you want? - Democracy, Democracy!
What do you want? - Human Rights, Human Rights!
When do you want in? -Right Now, Right Now!
No comments:
Post a Comment