Zo Vapual

Friday, 9 September 2011

Gathering for the release of Hla Hla Win, Burmese political prisoners and DVB VJ

by L.M.Kima

Vawiin ni 9th September, 2011 chawhnu dar 12:00-1:00 inkar khan Burma Campaign UK huaihawtnain Burmese Embassy hmaah mi 100 vel pung khawmin demonstration neih a ni. He demonstration-in a tum ber chu kum hmasa lama sipai sawrkarin an man tak leh kum 27 tang tura lung ina an khung tak Hla Hla Win, DVB VJ, duh loh entirna leh chhuah thuai tura ngenna a ni a, chutih rual chuan tuna political avanga jail chhunga la tang mek te chhuah thuai tura ngenna a ni tel bawk.

Photo - Chinland Guardian

Kan hun hman dan tlangpui chu;

1. Introduction ( Jacqueline San - Burma Campaign UK)

2. Speech (Aung Gyi - DVB VJ)

3. Reading about Hla Hla Win (Zin Mo - Burma Campaign UK)

4. Speech (Mark Farmaner - Director Burma Campaign UK)

5. Chanting

6. To invite guest speaker

7. Chanting

a ni a, program 6-naa lo kal khawm zing atangin Chin, Kachin leh Mon aiawha thusawina hun an rawn hmang thei bawk a, a ropui ngei mai. Vawiin kan demonstration-a speaker te hnen atanga thu pawimawh zual an sawi te chu:

@Burma ramah Media lama zalenna lo thleng thuai rawh se

@Burma ram sawrkar tharin raltlante a kohna thu hi inbumna/vehthlemna mai a ni. Ti tak tak ni se la chuan tuna ramchhunga political avanga mi 2000 chuang lung in tang mek te hi an chhuah hmasa tur a ni. Chuvangin hei hi inbumna lian tak a ni.

@Burma ramah hian hmun kilkhawr ber thlengin Human Rights lo awm rawh se

@Burma ram hian Republic of Democracy dik tak din chhuak mawlh rawh se

@Burma ramin Democracy a sual chhuah hma loh chu kan beih ho zel a pawimawhzia thu te leh thu pawimawh dang dang te ngaihthlak tel a ni.

Tichuan hunserh tih tawp nan Chanting hun kan hmang leh a, chumi zawhah Group thlalak hun hman chhunzawm nghal a ni. Vawiin kan demonstration chu chawhnu dar 1:15 velah tih tawp a ni a, kan hlawhtling thaw khat hle a ni.