Mizo Thla
1. Pawl kut - January : Pawl kut hun.
2. Ramtuk - February : Lo vah hun.
3. Vau - March : Vaube vul lai.
4. Tau - April : Hmuntau hmin lai.
5. Tomir - May : Lova thil chin to hun, ruah haw pawh Toruah an vuah, Thlakhur thla an vuah bawk.
6. Lalmanga nu hlawh rawih - June : Lalmanga nu (Ngente lal) hi mi thil chik tak, khawlaia dawhkilh vihbur atangin ni rei ber ni a hre thei a, Lal hlawh hi thain an la thin a ni.
7. Vawkhniak zawn - July : Ruah phingphisiau a tla reng a, vawk hniak a reh hman lo.
8. Thlazing - August : Rolura Mimkut thla an vuah bawk. Mimkut hi thitin hun chauha neih a ni a, Kawlriaua pa hian thla thum a tlin hmain thitin a lo siam a ni. Kawlriaua pa thitin an ti bawk. He thlaah hian chhum a tam bik a, ram a hnawng a, sakei pawhin mi a seh duh a, thingin mi a delh duh bik a, thing awn hnuaiah pawh an kal duh lo.
9. Thitin - September : Khuaa lusun chhungten mitthi thlarau an tintir thla, mitthi tan kut an siam a, mim a lo tawlh tawh vangin kut hmingah Mimkut an vuah a ni.
10. Khuangchawi - October : Neinung pate khuangchawi thla.
11. Sahmulphah - November : Ram sa leh ran vulh hmul tilh thla a ni.
12. Pawltlak - December : Buh lak hun leh zawh hun, lovah pawl chauh a awm tawh.
Thu lakna : Mizo Pi Pute Leh An Thlahte Chanchin
K. Zawla
a tha hle mai
ReplyDeleteVawk hniak an zawng a mahse thla hming ah chuan vawkhniahzawn an ti daih zawk ani e
ReplyDeleteVawk hniak an zawng a ni lo a,ruah a sur nasat thin avangin khawlai a diak a, pipute ran vulh vawk hniak khawlaiah a tam em em thin. Vawk hniak an zawng lova, zawn ngai lovin a tam mah mah zawk hial awm e. Vawk hniak a tamzia sawina lam a ni zawk e.
DeleteJuly thla chu furpui lai a ni a, khawlai pawh a chiar hneh thei hle a, vawk hniak pawh a inzawm deuh put mai a, chuvanga Vawkhniahzawn thla ti chu an ni e, tih kan zir thin kha maw
DeleteJuly thla hi Vawkhniahzawn thla tih hi pipu chena an lo sawi dan ṭhin a ni.
ReplyDeleteKan hmang tangkai eee
ReplyDeleteNikir thla hming put chhan inziak lang se aw
ReplyDeleteKum chanve hmalama nitela ni rei telh telh thin kha June thla chawhnu lam atangin ni a reilo(tawi) telh telh a, chu vang chuan nikir thla an ti.
DeleteA va dik awmlo ve tiang te chu
ReplyDeleteJune khi ani dawn ami
ReplyDeleteMi thil sawi a hre thawi a, a post ve ringawt a nih ber khi a. Hre hlei lo hi chuan post siam loh ngam mai tur ania..😁
DeleteTha hle mai!
ReplyDeleteJune thla hi sikula kan zir ṭhin ang kha ava ni talo ve aw..ka sawi mai thei ta bik silo.
ReplyDeletedelete leh daih raeh
ReplyDeletePawlkut thla
ReplyDeleteRamtuk thla
Vau thla
Tau thla
Tomir thla
Nikir thla
Vawkhniahzawn thla
Thitin thla
Mimkut thla
Khuangchawi thla
Sahmulphah thla
Pawltlak thla
Siam tha la post tha leh rawh anihin anilo reng reng
ReplyDeleteLalmanganu hlawh rawih pawh a awmlo a, Lalmanganu lawm rawih tih tur zawk ani e
ReplyDeletePawl hnih a kan zirlaibu-ah chuan Vawkhniakzawn thla tiin kan zir..
ReplyDeleteJune hi nikir thla anih chhan chu: june 21 hi ni rei ni ber ani a, hemi hnu lamah hi chuan ni hi a reilo tial tial a, chumi avang chuan Nikir thla ti a vuah ani.
ReplyDeleteAugust thla hi Thitin thla/Thlazing tih ani a, hmanlai kha mitthi te hi khawvelah an thlarau hi rei fe an awm an ring a, August thla hian mitthi khua ah an tin(Kal) ta niin an ring. Hemi thla hian nupui pasal neih pawh an duh lo thin ani.
September hi mimkut thla ani a, Vaimim alo thar tawh avangin Mimkut an nei thin a, mitthi pual a kut ani.
Thulakna : Mizo tawng un hrilhfiahna. Pu James Dokhuma. Phek 536
Ka pawm e. Nangman post zawk chu ni la a dik thlap ngei ang. Post siamtupa hian a hre ve nel nual a nih hi
DeleteTin Sahmulphah thla pawh khi khitiang lam hawi chu a ni hauh lo, thlasik khawvawt lo thleng tur atana lo inbuatsaihna lam a kawk zawkin ka hria a ni.
DeleteSeptember hi mimkut thla zawk a ni e, thithin thla leh thlazing hi august thla sawina ve ve a ni. Thithin thla tih hi tetlai a tanga kan zir dan a ni a, ka hmang zawk zel kei chuan.
ReplyDeleteI va han hrelo tak em 🤣🤣🤣 September thitin thla han tih reng reng....i
ReplyDeleteA ṭha hle mai..
ReplyDelete