Chinese Pa Leh A Sakawr
"Ka chunga thil lo thleng te kha Chanchin Tha tihdarhna tur a lo ni ta hlauh zawk......" (Phil. 1:12)
 |
| Photo : Google Image |
China-ho khian thawnthu pakhat an nei a. Pa pakhat hi a sakawr a bo a. A thenawmte chuan an rawn lenpui laih laih a, "A pawi mang e, i sakawr kha a len that nen," an ti a. A ni chuan, "A pawi leh pawi loh pawh ka hre chiah rih lo ve," a ti a. A hnu feah chuan a sakawr chu a lo hawng a, ram sakawrin an rawn zui hawng duah mai a. Sakawr a nei ta teuh mai a. A thenawmte chuan, "A va lawmawm ve le," an rawn ti laih laih a.A ni chuan, "Lawm tur nge lawm loh tur pawh ka hre rih lo ve a," a ti leh a. Ramhnuai sakawr kawlh pakhatin a khupah a kheng a, a sil ta reng mai a. A thiante chuan, "A pawi mang e," an rawn ti leh a. A ni chuan,"A pawi leh pawi loh pawh ka la hre rih lo ve," a lo ti leh mai a. Indona a lo awm ta phut mai a,"Mipa, a dam apiang ral do tura kal tur," an ti ta a. A ni erawh chu han kal zia zang ni hek lo, inah a awm a. A thiante kal chu tam tak ralah an thi ta a.
Paula chuan lung ina a tanna leh a tuarna kha a han en let a, Chanchin Tha tihdarhna tur ni hlauhin a hre ta a ni. A lawm zawk tlat niin a lang.
"Ka lawm zel ang, hei hi hriain, Lalpa, mi ngaihtuah hi."
NB: Kan chunga harsatna chi hrang hrang lo thleng ṭhin te hi a tirah chuan hriat thiam a harsa ṭhin reng a ni. Kan chheh vela mi sual ber bera kan ngaih te leh kan ṭhenawm khawveng te, a bik takin Pathian lam ngaihsak lo tak tak ten lei malsawmna an dawn zur zur lai te hian hriat thiam a har leh zual. Veng chhunga zu rui leh huaikawm bawlte an hrisel viau laia keini kan hrisel tlat lo ṭhin te hi hriat thiam a harsa ṭhin a ni. Mahse, kan chunga Pathian remruat leh rorelna kan hriat chian ni chuan e, kan ṭhatna tura Lalpa remruat zel a lo ni ṭhin. Hei hi hrefiah i la chuan hringnunah hian buai tur a awm tawh lo vang.....ed.
Thu lakna : Thlarau lam hnute tui
C. Darkunga
No comments:
Post a Comment