Zo Vapual

I tunhnu kawng sial

America President atana a in-zawrh ve khan Abraham Lincoln chu chanchinbu mi pakhatin a tlin ve theihna mai dan tur engtia beiseiawm nge tih a zawt a. Ama tihdan pangngaiin Lincoln chuan heti hian a chhang a ni:

Photo : Google Image

"Breckinridge-a hi chu chhim lam mi a nih avangin hmarlam miin an duhsak vakin ka ring lo va, ka hlau lo. Douglas-a pawh hi chhim lam miin an duhsak dawn loh avangin ka ngaihtuah buai tehchiam lo. Mahse mi pakhat hlauh zet mai ka nei. A hming chu Abraham Lincoln-a a ni. A tlak vaih chuan amah vang vek a ni dawn tlat."

Mitin mai hian an tunhnu awmdan turah mawh an phur viau vek mai a. A tlangpuiin keimahni ngaihdan leh kan thawhdan hian kan hlawhtlin leh kan hlawhchham hi a hril tlat a ni.

Kan chanvo duhawm lo tak mai avanga lungngaia kun reng mai hian khawiahmah min thlen lo va, engmah a su kaw hek lo. Mahni inkhawngaiha kan awm cheuh cheuh ringawt a, misual leh misualte hnathawh avanga buai zel tura kan inngaih chuan dawm kan theih pawh kan ni lo va, hmasawn tura hruai theih pawh kan ni hek lo. Nangmah leh nangmah i intanpui dawn chuan nangmaha chakna awm kha a tangkai thei ang berin hmang la, he khawvela a tha lam zawnga i tana thawk thei tur chakna awm ang ang kha hmang bawk rawh. Chu chuan hmalamah a hruai ang che.

Nangmah tichhe theitu che chakna reng reng i haider theih ngat chuan mahni inrin tawkna i nei ang a, chu chuan thil ropui tak a tihsak ang che. Chu mai ni lova a tha tawp chhuah theih nana chotu angah che i ngaih theih phei chuan a ropui lehzual ang.

Thu lakna : Hei le Vawiin!
                 Letlingtu : P.L.Liandinga

A ni tak e, kan hlawhtlin leh hlawhtlin loh chu keimahniah thui tak a innghat a ni. Chu chu taihmakna leh tawrhchhelnaah a innghat te pawh kan ti thei ang. Mi taima tan ni tin mai hi hnathawhna ni a nih laiin mi thatchhe tan erawh chuan ni tin mai hi awlna ni a ni reng mai. I hlawhtlin leh hlawhtlin loh chu nangmah ngeiah a innghat a ni.