Salai Tin Maung Oo thih cham vawi 35 naah lehkha sem
Sipai awpna hnuaia Burma Socialist sawrkarin an khaihlum tak, Yangon University zirlai hruaitu (Chin mi) Salai Tin Maung Oo thih champha vawi 35 na hriatreng nan ama trawngkam leh au hla te ziakna lehkha chu vawiin khan sem a ni.
Yangon leh Mandalay telin kawlram khawpui hmun thren khatah te sem chhuah a ni tiin a semtute zinga mi chuan DVB hnenah a hriattir/sawi a ni.
Sipaihovin an khaihlum hmasak ber University zirlai hruaitu pakhat chanchin hi thrangthar ten an hriat theih nana tih a nih thu a mah vekin tihian a sawi a ni. "Thenkhat chu hla takah an awm a, a then erawh chu hnai te ah an awm bawk. Keiniho chu hmun hnai bera awma buaipuitute kan nih avangin Ko Salai Tin Maung Oo hi kan theihnghilh thei tawh lo vang. Zirlaite hian an duh loh vang leh theihnghilh vang te a ni lo a nia, an hriat loh thil a ni miau va,. Kan history chu sipai sawrkar thuneituten an pawh chah avanga kan tawrhna avang zawkin thrangthar zirlaiten an hre lo zawk a ni. Tunah hian hre turin kan bei a ni"
Kum 1974 U Thant Funeral buainaa hruaitu Yangon University zirlai (Chin mi) Salai Tin Maung Oo chu Socialist sipai sawrkar chuan June 26, 1974 khan an lo khai hlum ta a, chu a thih champha vawi 35 na hriatrengna atan Yangon khawpui telin Thai-Myanmar ramri leh a chheh vel, India leh Canada ramah te Democracy leh Human Rights ngai pawimawha hmalatu mi thrahnemngaite chuan he ni hriatrengna hunserh hmangin thu ziak thren khat chhiar chhuahna te neih a ni.
Salai Tin Maung Oo-a au hla threnkhat te :
"Nangni sipai pheikhawk chhah tak hmaah hian engtikah mah ka thringthri lo vang....."
"Nangnin min that thei mah ula, ka rin dan (ngaihdan) leh ka rilru puthmang hi chu engtikah mah in that thei lo vang... "
Thu lakna : DVB
No comments:
Post a Comment