Burma Centre Delhi BCI{BCI} leh Chin Huma Rights Organizations leh Aizawl and Grassroot Development Network Mizoram te buatsaihin zirtawpni khan I& PR Conference Hall-ah on “Regime change in Burma: Post 2010 Elections and its Consequences” tih thupuia hmanga kum Burma 2010 inthlan zawh hnu pawha Burma sawrkar kalphung a la danglam lohzia te sawihona hun hman a ni.
A bika sawm Pu Vanlalngaia, Chairman, Mizoram Committee for Democracy, chuan Burma sawrkar kalphung chu zalenna duh Burma mipuite chungah pawh a inthlak loh thu a sawi a, Burma sawrkara thil inthlak awmchhun chu Burma sipaiten an uniform an ha tawh lo chauh hi a ni a ti a, hei vang hian khawvel puma zalenna duhte chuan Burma ram zelnna atan hian tan kan lak zel a tul thu a sawi.
Burma MP hlui Dr. Tint Swe chuan thu sawiin kum 2010-a Burma sawrkar inthlang thar chuan mipuite hnenah engmah danglamna a thlen loh thu leh Burma ram chu sipaite bawkin inlululing takin an awpbet reng thu a sawi a, India sawrkar laipui leh India hmar chhakte chu Burma sawrkarin mipui rorelna sawrkar an neih theih nana tan lakpui zel turin a sawm a, Mizorama Burma mi dan lo anga thil lo tisual tawhte avangin thupha a chawi bawk. Dr. Alana Golmei, Advocacy Coordinator, Burma Centre Delhi pawhin India hmar chhaka chengte chu Burma mipuite an hnaih bik avang leh an inchenchilh avangin Burma rama tharum thawh lohna tur leh mihring dikna chanvo a lal zel theihna nana tan lakpui turin a sawm a, Dr. Alaana Golmei pawh hian inthlan zawh hnu pawha engmah thil danglam a thlen chuan loh thu a sawi.
Pu Lalmuanpuia Punte, Vice Chairman, North-east Student Organisation thuziak chu Pu Zohmingliana chuan chhiar chhuakin Mizorama Burma mite an inchhiar danin Mizoramah mi 80,000 vel an cheng a, chu chu Mizo mipui 1.091,014 atanga teh chuan 8% vel an ni a ti.
He sawihonaah hian Burma Mipuiten dikna chanvo an neih theih nana kan tih ve tura thate thlanchhuah a ni a,, chungte :
= Ralthuamte Burma rama phurhluh sawrkarin a khap hi zawm tlang zel ila.
= Burma sawrkar leh Aung San Suu Kyi hi thlawp tlat ila, a biktakin pawl bik {ethnic group} te pawh.
= Govt. Of India hian Mizoram emaw North east hmun thenkhatah hian UNHCR office din phal se.
= Free, Prior and Informed Consent{FPIC} hmangin a thil hrinchhuah turte ngaihtuah tel zel chungin Development project-te kalpui ni thin se {entirnan Kaladan Multi Modal Project-ah te}
= Burma mipuiten zalenna an sual mek leh mipuite dikna chanfo an duha an beih mek hi thlawp zel ila.
= Ral tlante an ral tlanna rama an awmhlen theihna dan {non-refoulment} hi kalpui theih ni se.
= United Nation-in Burma rama tharum thawh thawh duh lohna leh mihring insawisak te a duh lohna hi thlawptlat ni se.
= Inpawhtawnna thuthlung siam ila.
Salai Za Uk Ling, Program Director, Chin Human Rights Organization {CHRO} chuan Kaladan Multi Project chungchang sawiin he porject buaipui avang hian Burma rama chengte chu tihluihnaa chhawrluih thin an thu a sawi a, Kaldan Porject-ahg chuan mihring chanvo inzahsakna te a awm thin avangin mipuite hnenah nghawng tha lo a thleng mek a ni a ti.
Salai Za Uk Ling chuan Kaladine Project-a Mizoram leh Burma rama Paletwa inkar kawngpui 191km laih mekna Paletwa khua-ah chuan Burma sipai hmun 50 athena hmun 20 velte chu an awm mek a ni a ti a, sipai duty-te awmlaia khaw dang mite an khuaa an lo lut a nih chuan kut kutthlak an ni thin a ni an ti a, Kadalan kalkawng laimeknaah hian tihluihnain mi chhawr thin an ni a, a bikin Paletwa khuaah hian an tam bik a ni a ti.
Koladan lui bul vela loneihna hmun leh thlaichinna hmunte chu sipaiten an tichhe thin a ni a ti a, Ponnagywan, Kyauktaw, leh Paletwa khuaah te chuan sipaite hnenah mipuiten chhiah an pe thin a ni a ti. Paletwa khuaa kum khata tihluihnaa an chhawr zat report-a a lan zat chu mi 1,570 an ni a ti a, “ He khuaa Kum 15 tling tawh phawtte chu tihluihnaa chhawr leh bungruate phurh luihtir thin an ni a, mahni lawngleng leh motor hmangin buhfai leh ration dangte sipaite tan phurh luihtir an ni a, sipaite bungraw phurhna hmangte pawhin paletwa-a Burma mipuite phurh luihtir thin an ni a, hei hi thil hlauhawm tak a ni” a ti.
Kaladan kawng an laih mek avang hian Burma mipui tamtakin an inleh lote an chan a, an huante, an eizawnna te an chan phah a, mi tamtak chu ramhnuaiah an awm phah a ni a ti a, kum 2008-a India leh Burma-in Koladan Project atana inremna thuthlung an siama Article 3a-ah chuan Koladan Project atana ram mamawhte chu Myanmar sawrkarin a pe ang a, compensation engmah a awm lovang tih a ni a, mahse hmun thenkhatah chuan company-ten compensation tlema zawng an pek pawh an awm tho a ni a ti. Article 12-ah chuan he poject-a mipuite Myanmar sawrkarin an mamawhna apiangah venhimna a pe ang” tih a ni an ti a, hei hian Burma sipaite chuan mipuite chungah tharum a thawh lo sawt ang tihna a ni a ti.
No comments:
Post a Comment