Zo Vapual

Chawlhkar khat chhunga ramchhung sumdawnna chanchin te

Chhiah 3% tlahniam, sumdawng mite lawm

Revenue lam department chuan July ni 1 atang khan sumdawnna chhiah 3 % in an tihniam a, sawrkar thar hunchhunga chhiah pek an tih hniamna zawnah sumdawng mi te an lawm hle. Sumdawng mite, sumdawnna a tlakhniam lai taka tun anga chhiah 3 % lai an tihhniam avang hian tawk fang chu kan zia awm phah a ni tiin Yangon-a sumdawng mi pakhat chuan a sawi a ni.

Tun hma khan sumdawnna chhiah hi chhiah chawina department atangin zaa pariat (8 % ) an la thrin a, sum lut chhiah zaa pahnih (2 %) lak a ni bawk. Tichuan sumdawnna chhiah hi zaa panga (5 %) tihniam turin ramchhung president hnenah lehkha an thawn a, tun ang hian zaa pathum (3 %) ah tihhniam a ni ta a ni.

Myanmar ramchhunga chhiah lak dan chungchang hi ramin a hlawkna a tel ai tur mahin sumdawng mite leh chhiah lam department te inkara thamna thilpek te a tam thrin avangin chhiah chawi tlahniam hian awmzia a nei meuh ang em tih chu ngaihtuahna a awm ve thei bawk.

Yangon-a sumdawng mi pakhat chuan Import / Export hna pawh hi Bank atranga tihchhawn leh a nih thrin avangin Bank atranga an cut atrangin chhiah tur hi tih tel sa a nih avangin hetiang lam hna tan erawh chuan awmzia a nei thui hle a ni a ti.

Ramchhung sumdawng mi hausa U Han Htun erawh chuan ram pawna thil thawnah hian chhiah hi lak sa a nih avangin thil thawn tur tan a hranpaa lak leh hi thil awmze nei lo, tih chi loh tak a ni a ti ve thung.

Motor rate kai, leitu lam reh

Thla hmasa kal ta atrang khan mawtawr (motor) sumdawnnaah a man ( rate) a thrang chho leh deuh va, vawiin thleng hian a la thrang chho va. Nuai 100 man mawtawr chu nuai 15-20 inkar te kai chhovin hralh tlang a tla hle nan nuai 500 man mawtawr ah erawh chuan nuai 50 vel kai chhovin hralh tlang a tlak vak loh thu Yangon-a mawtawr hmanga sumdawng thrin pakhat chuan a sawi a ni.

Chutiang bawkin nuai 1000 leh a chung lam man, man thra tak mawtawr chu nuai 150 atranga 200 thleng a han kai chho nain lei leh hralh a awm lo tluk a ni.

Myanmar-a mawtawr man hi ram threnawm te nena kan tehkhin/khaikhin chuan a let tam takin a to a ni. Hetia mawtawr man a let tam taka a to chhan hi chu Myanmar-a mawtawr lak luh phalna hi sawrkar ta U Pain company leh sawrkar lam nena inkungkaih deuh sumdawng mi thren khat te chauhvin tihphalna an neih vang a ni tiin ramchhung sumdawng mite chuan an sawi.

Tunasawrkar thar hnenah hian mawtawr lak luh phalna dan chungchang pawh hi siam rem a thrat thu ramchhung sumdawng mite chuan an dil a ni.

Dollar leh rangkachak rate

US Dollar leh FEC rate hi chawlhkar kal ta atrang khan Ks. 800 leh Ks. 700 inkar a ni a, vawiin ni US Dollar rate chu Ks. 798 bawr vel niin FEC erawh chu 735 bawr vel a ni ve thung. Rangkachak rate erawh chu Ks. 656,000 a ni.

Ramri sumdawnna dinhmun

Ramri sumdawnna dinhmunah chuan kum 18 vela rei tawh Myanmar-a lak luh an khap Thai bungraw chi hrang hrang 30 chuang zinga 15 vel chu la lut leh turin an inbuatsaih mek. Lak luh an phal leh bungraw zingah hian hmehhan, theitui, noodles rep/ro, thei chi hrang hrang leh zu, beer te an tel a ni.

Thulakna : DVB