Zo Vapual

Australia Foreign Minister leh pi Suu Kyi inhmu

NLD hruaitu pi Aung San Suu Kyi leh Australia Foreign Minister Kevin Rudd te inkawm lai
Photo - Writer

Tuna Myanmar-a cham mek Australia Foreign Minister leh National League for Democracy hruaitu pi Aung San Suu Kyi telin party hrang hrang hruaitute chu vawiin khan Yangon-ah an inhmu a ni. 

A vawi khatna atana Kawlrama rawn zin Australia Foreign Minister Kevin Rudd hi vawiin chhun khan NLD hruaitu leh Secretary pi Aung San Suu Kyi leh hmunpui rorel khawl hruaitu U Hantha Myint leh office-a thru mi pawimawh te nen an inkawm a ni. Vawiin chhunlai dar 12 velah khan Australia Club ah an inhmu a, vawiina an inhmuh chungchang kimchang zawk chu House Speaker U Ohn Kyiang chuan ti hian a sawi," National League for Democracy General Secretary Pi Aung San Suu Kyi leh party hruaitute chu lo mikhualin inkawmna neih a ni a, chu inkawmna/inhmuhna ah chuan Australia Foreign Minister chuan Australia ram chuan Myanmar ram chu mipui mi mir zawng tak pawha a support thu chu kimchang leh fiah fel takin a hrilhfiah thu a tel a ni." tiin. 

Mr Kevin Rudd chu vawiin chawhnu dar 2 vel khan NLD party hruaitute, Democratic (Myanmar) leh tribal party hrang hrang atrangin Rakhine, Chin, Mon, Kachin, Karen party chi hrang hrang atrangin an hmu bawk a ni. 

He inkawmnaa Australia Foreign Minister-in a sawi thil thren khat te chu NLD hruaitu U Khin Maung Shwe chuan ti hian a sawi a, "Thil thar teh chiam chu a awm lo va, tunlai thil thleng leh tun dinhmuna ramchhunga thil thleng chanchin te min zawt a, Democracy inthlakthleng chungchang hi engtin nge i hmuh dan tih vel te, chuanin kan ram politik thralaite zingah capacity tih sak dawn ta se la, engtianga tih nge thra ber ang tih vel te a ni deuh ber e. Party tin te hnenah pawh hetianga thil inthlakthleng chungchang min zawt bawk a, zawi zawiin a inthlak thleng ang a, vawi leh khata inthlak thleng thut chu a awl lo a ni. Chuvangin thil harsa leh daltu neuh neuh chu a awm tur tam tak a awm tur thu pawh a sawi tel a, tichuan boarder-a buaina thleng chanchin te pawh sawi tel a ni a..... "

Ni 1 July chhun khan Mr Kevin chu sawrkar thar President U Thein Sein leh Foreign Minister U Wana Maung Lwin telin sawrkar hruaitu mi pawimawh te nen an inhmuh mai bakah Union Parliament Chairman U Khin Aung Myint nen pawh an inhmu a ni tih vawiina chhuak chanchin bu The New Light of Myanmar-ah a chuang a ni. Sawrkar thar nena an inkawmnaah hian ram pahnih te inkarah inlaichinna thra zawk a awm theihnan hmalak thra zawka hma lak dun tum thu News ah chuan a tel bawk.

Mr Kevin hi Nilaithawhtan (Ninga ni) kal ta khan Myanmar-ah lo thlengin a khualzin hun ni 3 chhung hian sawrkar thar President U Thein Sein leh sawrkar mi pawimawh te a tlawh mai bakah NLD hruaitu pi Aung San Suu Kyi leh party hrang hrang hruaitute, NGO pawl hrang hrang te tlawh a tum hi a lo ruahman lawk sa reng a ni.


Thu lakna : DVB