Zo Vapual

23rd Anniversary of Military coup in Burma Day kan hmang (London)

By L.M.Kima

Nimin ni 16 September 2011, Chaw hnu dar 1:00-2:10 inkar khan UK chhunga awm kawlram atanga kal thalai rual mi 150 chuangin 23rd Anniversary of Military coup in Burma Day, duhlohna entirna kawng zawh runpui kan nei a, mi kan thahnem hle a ni. Sipai sawrkarnain kum 20 chuang teh meuh mipui leh ram an hruala an tih che reu hnuin tunah hian an sipai kawr chu an hlip a, civil thuama inthuamin anmahni vekin lalna an chang leh a ni. Kum 1990 kuma inthlanpuia hnehna chang party NLD te hnenah thuneihna hi an hlan duh lo va, vawiin ni thlengin keini NLD member tawmpuitute chuan kan theihna hmun hmun leh kan theihna zawn zawn atangin hma kan la mek zel a ni.

Photo - Chinland Guardian

Chawhnu her hret 12:30 vel atangin mipui kan fuan khawm a, hunserh hman dan tur chungchang vel kan inbuatsaih hnuin chawhnu dar 1:00 atangin hunserh kan hmang tan a ni. Kan hunserh hman dan tlangpui chu :

Thu puangtu : Ms Shwe Zin

Thuchah sawitute : Mr. Myo Thein, Director of BDC, Mr. Ring Du Lachyung, Deputy Chairman of Kachin National Organization UK, Mr. Raymond Lian, Activist of Chin Community UK, Mr.M.Nomrat, Rohingya Community and Ko Htein Lin, BDC.

A hmasa berin hunserh hawnna program kan hmang a, an hun leh tha seng a, an nunna hial hlan ta te tan (ram tana martar te) sunna hun kan hmang a, tichuan kan hlapui au hla hmangin kan chhunzawm nghal. Tichuan pawl hrang hrang hruaitute hnen atangain fuihna thuchah tha tak tak kan ngaithla a, beng a tlai hle a ni.

Tun tun kawng zawh hi Anniversary of Military coup in Burma Day chauh ni lovin Chin-Burma in Ayerwaddy (Irrawaddy) Dam siam chungchanga agreement an neih duh loh entirna kan nei bawk. Tunah hian chhungkaw tam tak te hnenah an in leh lo in sawn chhuak turin anmahni thuneihna hmangin an sawn chhuahtir a, chhungkaw tam takin in leh lo nei lovin harsatna an tawk mek a ni. He tuikhuah (Dam) hi an siam chuan a ram pum huapin harsatna kan tawk thei a, he luipui hmanga ei chawp dap thin te hlei hlei hian harsatna an tawh phah bawk ang. Chu mai ni lovin he luiin a chawm ram ngaw zawng zawng te tih chereu in a awm bawk ang a, sik leh sa chungchangah pawh harsatna lian tham tak kan tawk thei dawn a ni. Chuvangin keini ram hmangaihtute chuan he thil hi tih chi a nih lohzia thu auchhuahpuiin Burmese Embassy hmaah duhloh entirna kan nei hi keini ram hmangaihtuten kan tih tur dik tak a ni.

He sawrkar thar Thein Sein sawrkar hian hmingthat duhin leh anmahni ipte a lo puar theih nen an duh dan danin thil an ti a, heng thil tha lo te hi tih tawp a nih thuai theihnan kan theihna hmun hmun atanga tan lak hi kan tih tur dik tak leh pawimawh tak a ni.