Zo Vapual

Edwin M. Stanton leh Abraham Lincoln

Abraham Lindoln
16th President of the United States

"Chu thil thra tih chu kan awmna turin Pathianin a buatsaih lawk a ni." (Eph. 2:10).

Edwin M. Stanton-a chu Abraham Lincoln-a nen roreltu hmaah thubuai an nei a. Stanton-a chuan Abraham Lincoln-a chu a hmusitin a tham lo em em a, a rilru tihnat theih dan bera tihnat a tum a, phuba lak theih ang anga phuba lak a tum bawk a. Nimahsela America ramah an lal berah (President) Abraham Lincoln-a chu a trang ta si a. Stanton-a tan chuan a hlauhawm hle mai ang tih mite chuan an ring hial awm e. Stanton-a pawhin a hlau ru hle ta ve ang. 

Edwin McMasters Stanton
25th United States Attorney General

Mahse President Abraham Lincoln-a chuan indona lam hotu ber Minister (Secretary) ah a dah ta daih mai a. Stanton-an he mi thu a han hriat chuan mak a ti lutuk a. Mittui tla zawih zawihin chu duhsakna sang ber mai chu a pawm a, chu lehkha rawn kengtu pa chu thu a chah let nghal a, "President chu han hrilh la, phu loh zahngaihna leh khawngaihna min la hlan duh avang hian, he a rilru zauna leh thilphalna hian theihtawpin a tan min thawhtir dawn a ni, tih han hrilh ang che," a ti a.

Sual ata tlan chhuahte hian Stanton-a ang hian kan nun pum pui min TLANTU leh NGAIDAMTU tan kan hlan phal ve dawn lawm ni?

"Chhandamna thlawn pek lawmawm tak chu,

 Khawvela puang turin"

Thu lakna : Thlarau lam Hnute tui

                  by C. Darkunga