Zo Vapual

Abraham Lincoln leh John F. Kennedy te inanna

16th President of the United States
Abraham Lincoln

America ram President hmingthang pahnih Abraham Lincoln leh Kennedy te inanna hi sawi a ni fo va, a kimchangin hetiang hi a ni. Thil awm theia mawi pawh a ni lo.

1.  Lincoln hi kum 1860-ah, Kennedy hi kum 1960-ah President an ni ve ve. (Kum 100 dan)

2.  Negro(midum) hote tana sulsutu an ni ve ve.

3.  Zirtawpnia thah an ni ve ve.

4.  White House-a an awm laiin fapa sen an hloh ve ve.

5.  Hnunglam atanga silaia kah ve ve an ni.

6.  Lincoln hi Ford company lemchanna ina kah a ni a, Kennedy hi Ford Company motora a chuang lai kah a ni.

7.  Vice President Johnson tih hming pu ve vein an thlak.

8.  Anmahni thlaktute hi Democrat pawla mi ve ve an ni.

 35th President of the United States
John F. Kennedy

9.  Lincoln thlaktu Andrew Johnson-a chu kum 1808-a piang a ni a, Kennedy thlaktu Lyndon Johnson-a chu kum 1908-a piang a ni. (kum 100 dan)

10. Lincoln-a private secretary hming hmasa chu John a ni a, Kennedy-a private secretary hming hmasa ve thung chu Lincoln a ni thung.

11. Lincoln thattu John Wilkes Booth hi 1839-a piang a ni a, Kennedy thattu Lee Harvey Oswald hi kum 1939-a piang a ni thung. (Kum 100 dan chiah bawk)

12. Anmahni thattute hi chhim lam mi ve ve, mi firfiak ve ve an ni.

13. Anmahni thattute hi man nghal an ni ve ve a, ro an relsak hmain tihhlum an ni ve ve.

14. Booth hian Lincoln hi theatre-ah a that a, bungraw dahkhawmna (warehouse) chhungah a tlanchhia a, Kennedy thattu Oswald hian warehouse atangin a that a, theatre-ah a tlan lut ve thung,

15. Lincoln leh Kennedy tih hming hi hawrawp 7 ve ve an ni.

16. An Vice President ve ve Andrew Johnson leh Lyndon Johnson tih hi hawrawp 13 ve ve an ni (number vanduai....)

17. Anmahni thattu John Wilkes Booth leh Lee Harvey Oswald tih hi hawrawp 15 ve ve an ni.

Hetiang thil inanna leh an lohna mak tak hi thil ni zen zen theia ngaih a ni lova, ruat lawk leh rel fel sa veka a ruka khawvela lo awm, lo lang chhuak ta a ang khawp mai.

Thu lakna : Science Thungaihnawm

                  Padmashree Anselm Sawihlira