Zirna man tlawm atranga inzir
Pangpar eng te tak te anga ngaihdan kan neih chuan thil tlawm te te lehkhabu te, kan thil tawn te, kan mi hmuhte atrang hian kan zir thei a ni. Mi thatchhia leh mahni hmasial mite hian engkim hre vekin an inhre thrin a. Zirna atana mihring hman theih awm loh ber ber atrang hian kan inzir thei a ni.
Trumkhat chu leilawn hniamte mai hnuaiah hian motor lianpui mai a tang a. Chu motor chuan tlan a tum thul, tawlh let a tum thul, motor dang tam tak mai a dang thruap mai a. Lirthei lam buaipuitu 'police' leh mi thiam hmel tak tak chuan a tihdan kawng an dap a. Mahse chu motor lian chu an beih nasat poh leh a tang nghet tulh tulh mai a. A tawpah phei chuan a tihdan an hriat chhun chu chu motor chunglam thriah thlak hlawk mai chu a ni ta hial a. A thriahna hmanrua an ngaihtuah ta nghal a.
Chutih chhung zawng chuan mipa naupang te tak te hian a lo thlir ve reng a, engemaw hi sawi a tum thrin a. A thusawi ngaihthlak a hneh chuan an nem kat rawk rawk a, In lama haw a, anmahni lo dip bual lo turin an hrilh a. Mahse a ni chuan tha tawp chhuahin, "Engatinge a kea boruak kha in paih chhuah mai loh?" a ti ta a.
Mite chu an ding a, an han en a, motor chunglam leh a hnuailama a ke lianpui pui chu an han thlir a. A dik mai awm mang e an ti ve ta! A lo dik chiah mai reng a. Reiloteah chuan chu motor chu a tlan chhuak ta a. Tunge chu an buaina chu chingfel le? Mi thiamho em ni? Ni lo ve, naupang te tak te, mi ngaihdan leh tih thrindan ngaihtuah hauh lova thil ti ngam chu a ni.
Thu lakna : Hei le vawiin..... letlingtu P.L.Liandinga
No comments:
Post a Comment