Vawiin hi hun tha a ni
Stephen Grellet-an, "He khawvel hi tum khat chauh ka paltlang dawn a. Thil tha emaw, nghilneihna emaw, midang chunga ka lantir theih chu tunah hian ti theiin min siam ang che. Chu tihtur lak atang chuan min pen botir suh la, min ngaihthahtir hek suh, he ka zin kawngah hian ka lo kual chhuak leh ngai tawh dawn si lo," a tih hi chuan finna thu a pai tam ngawt mai.
 |
| Photo - Google Images |
Nitin mai hian mi sang tam takin anmahni leh midangte tana khawvel nuam zawk an siam theihna hun remchang chu an kutzungtang karah an puh botir zung zung reng a. Roreltu te, Politician te leh mi hausaho chauh hi chutiang ngaihthahna pawi khawihtute an ni hauh lo mai. Dik tak chuan mi naran, nang leh kei, pasal leh nupui u leh nau, pa leh fa leh thenawmte hi chutiang pawi khawihtute chu kan ni deuh ber zawk. Tuemaw kan hmangaihna leh kan hrereng a ni tih lantirna tur kha kan ti lova, chu chuan kan hmangaihna leh kan ngaihsakna a lantir thei lo a ni. Nakina kan tih tum leh tuna kan tih mai remchang inlen hleih em avang te pawhin chutiang hun tha chu kan bawhpelh thin a lo ni.
Hun tha kan neih theih loh thlengin thilpek te tak te te te, ngaihsakna te tham te te chu kan thlahthlam a, hunin a her bopui thin. College lecturer pakhat chuan, "University a lehkha ka zir lai chuan thian pakhat ngaihsan deuh mai ka nei a. Mi rinawm, rintlak, thiante dawh thiam leh midang tanpui peih deuh mai a ni a. Amah an ka tum nasa hle. Amah an ka tumna avang pawh chuan ka nun hi a hlim nasa hle a, ka zirlaite hnenah pawh chu ka thian chu ka tana a hlutzia ka sawi fo thin. Mahse amah ka ngaihhlutzia chu ama hnenah tak chuan ka hrilh ngai hauh thung lo. Tunah zawng a tlai lu ta. A thi tawh tlat," tiin a sawi.
Thu lakna : Hei le vawiin
Letlingtu : P.L.Liandinga
No comments:
Post a Comment