Monday, 8 August 2011

23rd Anniversary of '8888' Uprising Burmese Embassy, London-ah kan hmang

by L.M.Kima

Photo-Martin

Photo-Munno
Vawiin August ni 8, 2011 hian 23rd Anniversary of '8888' Uprising hun kan hmang. Chhun lai dar 12:00-1:00 inkarah khan 8888 denchhenin Burma Campaign huaihawtna hmanga demonstration neih a ni. A bik takin tun hnaia Germany-ina Burma nena insumdawn tawnnaah duh loh entirna hun hman a ni bawk. Tichuan darkar thra zen zawn hun hman a nih hnuin a thren chu Burmese Embassy lam panin kan kal chhuak a, London kawng laiah kan ram flag leh NLD flag kengin kawng kan zawh phei suau suau mai a ni. 

Tichuan Burma Democratic Concern huaihawtnain Burmese Embassy hmaah (23rd Anniversary of '8888' Uprising) hun hman a ni a. Kum 1988 kuma sipai sawrkarin silai hmanga an kah hlum tak te puala sunna hun hman a ni bawk. Mipui 250-300 inkar vel kan kal khawm a, kan kalkhawm thrahnem hle a ni. Kum 1988 kuma thi ta te sunna hun kan hman zawhin Burma Democratic Concern (BDC) Director U Myo Thein hnen atrangin fuihna thuchah kan ngaithla a. Tichuan fuihna thuchah ngaihthlak a nih hnuin 88 hriat rengna entirna drama tawi neih a ni leh a, chumi hnuin BDC Activist Ko Htein Lin hnen atrangin kal ta te sunna hla thu chham neih a ni bawk. 


Pawl hrang hrang hruaitute hnen atrangin fuihna thuchah tawi ngaihthlak chhunzawm a ni leh a, kan Chin Community aiawhin Sian Mun Khai (Ko Munno) pawhin fuihna thuchah tawi a sawi bawk. Fuihna thuchah tawi ngaihthlak hun a zawh hnuin 23rd Anniversary of '8888' Uprising hunserh chu tih tawp a ni. Hunserh hman zawh hnuin kalkhawm zawng zawng a huhova thlalak a ni bawk.

Kum 1988 kuma thil thleng te kha kan theihnghil lo va, theihnghilh a hnekin kan thinlungah a thar zel zawk a ni. Ram leh hnam tana nunna chan ta te kha an fakawm em em a, kan ram tana an nunna an chan phalna hi vawiin ni thleng hian kan ram chanchinah sawi hmaih a ni tawh dawn lo. Kan ram tan mellung phun pawimawh tak min lo phunsak tawh a, he kan ram (Burma-Myanmar) hian anmahni zarah engtik niah emaw chuan Democracy hlawhtling tak chu a la sual chhuak dawn a ni. Ram hmangaihtuten chawlhsan mai lovin kan hmaa kal ta te sul hnu chhui zelin Democracy ram thar kan din hmang loh chu chawl lovin i kal zel ang u.


Free free.... Burma Burma!
What do we want?.....Democracy!
What do we want?.....Human Rights!
When do we want in?......Right Now!


Photo-Martin

Photo-Martin
Posted by Zo Vapual at 16:35

2 comments:

  1. Khawpuichhipkhua12 August 2011 at 07:57

    Ekhai! in va bei ropui ve le, hetianga history runthlak tak mai hi thangthar te hian kan theih ngilh mai tur ani lo reng ani. Kan sorkar te hian theih ngilh tir hi min tum vio mah se theih ngilh chi ani lo reng reng.

    ReplyDelete
  2. Zo Vapual12 August 2011 at 16:46

    pu khawpuichhipkhua,
    He site hi i lo chhiar avangin i chungah lawmthu ka sawi mawlh mawlh e. Nia ti raw... tunlai sipai sawrkar thar hi chuan kan history dik tak kan hriat chian hlau reng rengin an khawsa a, a bik takin Gen Aung San-a lu lem chuanna pawisa pawh an tibo tial tial a, awze nei miah lo sakeibaknei lu lem te, sai lem te an chuantir vel ta mai mai a nih hi....

    Mahse, history dik tak chu anni tih ral tum eng ang mah se an tih bo rual lohvin thu dik chu a la inherchhuak zel dawn a ni.....

    ReplyDelete

Subscribe to: Post Comments (Atom)