Zo Vapual

Tihsual tur hisap lawk

I khawsak dan tur i duannaah mite sawiselna cho chhuak tur i tihpalh tur te hisap lawk tel a tha hle a ni. Tumah hi kan famkim loh avangin thil kan tisual fo thin a, siamthat kan ngai ngei ngei thin. Sumdawng tam tak chuan kum tin hian cheng engemaw zat hi dah hrangin ‘Sumdawnna thila hlawhchhamna tur pawisa’ an dah ve zu nia. An hisap a sual thin a, an thil zawrh tur hriat thar thenkhat chu a fuh lo va, an thil zawrhdan thenkhat pawh a fuh lo fo bawk thin.

Tihsual atana pawisa dah hran ai chuan tihsual tawh atanga inzir hi a pawimawh zawk fo thin. Tingtang nawh mi (violin) tum thiam hmingthang tak mai, Ole Bull-an mipui hmaa Violin a tum hmasak ber dawn tum chuan a dinhmun a khirh ve khawp mai.

 Chanchinbua a ma chanchin an ziahna reng reng chu lem har tawk hi a ni hlawm a. America rama pa pakhat, a kum let zeta upa phei chuan a bei nasa mai a. Ole Bull chuan khin let ve emaw, ngaih huat emaw a duh hle nain chutia tit a lo chuan thil mak tak mai pakhat a ti ta hlauh va.

Chutia amah sawiseltupa chu a va tlawh chhuak a, a thuziah avang chuan lawmthu a va hrilh a, a hnen atangin thurawn a va dil ta daih mai a. Chu pa thurawn ang chuan nasa takin a inzir ta tlauh tlauh mai a. Chuta tang chiah chuan a nun a lo danglam ta. Rimawi tum thiam naran atangin rimawi tum thiam tak takah a chawr chhuak ta a ni.

Heile Vawiin : Letlingtu P.L.Liandinga