Zo Vapual

Ni 27 tlai lam dar 3:45 - 4:50 inkar vel khan Chinese Embassy (UK) ah Burma Democratic Concerns (BDC) huaihawtnain Demonstration neih a ni a, mi 40 tha vel kan kal khawm. He demonstration (kawng zawh) ina a tum ber chu tuna China rama khualzina thang mek(26-28 May ), U Thein Sein sawrkar-in China sawrkar hruaitute nena insumdawn tawnna an siam tur chungchang duhloh entirna a ni. 

Darkar 1 leh a chanve tha zet hun kan hman hnuin in lam panin kan haw leh ta theuh va.

China sawrkar hian kan ram leilung hausakna tam tak an sawk tawh a, an sawk mek zel bawk a, tun tumah pawh hian U Thein Sein sawrkar nena tangrualin in sumdawn tawnna buatsaih an tum a ni. Chu chu keini ram hmangaihtute chuan he dik lo taka insumdawn tawnna hi tha kan ti lo va, kan ram hi China sawrkar lakah an hralh a, chu an hralhna hlawkna hmang chuan anmahni leh an fate pum chiah tipuarin anmahni ipte ah an seng lut zel a, ram leilung hausakna chu an ti che reu va, an ti che reu mek zel bawk. Ramchhung mipui maktaduai 60 deuh thaw ril tam leh ei tur nei lo awm te hi an khawngaihthlak hle a ni. Tuna ei tur nei lote han thlir hi chuan he sawrkar thar hian mipuite chungah enge a tih? Mipuite tana inhlawhna siamsak leh mipuite tana inpe zawk tur a ni lawm ni? Tun dinhmunah chuan mipuite ei tur chu sawi loh, mipuite hnen atangin an la chhuhsak zui a, mawi lo tak takin an la chhuhsak zui bawk a, hei hi a van zahthlak tak em. 

Chu achhapah China sawrkar hian kan ram leilung hausakna hi a lak duh avangin tuna U Thein Sein sawrkar hi tlawnin kan rama thil tha tha te chu man tlawm tak takin a leisak a, kan ram leilung hausakna hi nitin, darkar tin, minute tin, second tin maiin an ei hiau hiau mai a ni. Chu chu a ram leilung neitute tan a tawrhnatthlak em em a, he insumdawn tawnna hi nei lo tur leh he sipai sawrkar (U Thein Sein sawrkar thar.... UNO hriatpui loh) nena sumdawng tawn lo tura theih tawp chhuah hi kan hna a ni. 

Kan ram a lo that theihna tur chuan mi tin mai hi kan pawimawh a, mitin te insuihkhawmna tha kan neih phawt chuan kan ramah hian mipui zalenna dik, zalen taka rorelna (Democracy) chu kan lo nei tawh ang. Chu mipui zalennaa rorelna nei tur chuan nang leh kei hian kan ram tana thahnemngai taka tan kan lak nasat a ngai a ni.