Zo Vapual

CNF leh Sawrkar thar inbiakna thuthlung

CNF leh Chin State sorkar chuan inkahhai-na thu December 6,2012 ah Hakha ah hming an ziak ta. CNF aiawh in Dr. Sui Khar leh member 10 in hming an ziaka, Chin State sorkar aiawh in Colonel Zaw Min Oo (security and border affairs minister) leh Chin State officer mi 5 in hming an ziak.

Photo : DVB

He an thuthlung hriatpuitu atan Burma sorkar laipui minister 2, U Zaw Min leh U Win Htun, Chin state Chief Minister U Hung Ngai, Pastor 2 (Dr. Lal Uk leh Rev. Tluang Ceu) ten hming an ziak.

An thuthlung chu ( a tawi zawngn):

1. Tuna hming kan ziak ni leh dar kar atrang in in kah tawh loh tur.

2. Kan thuthlung bawhzui nan Chin State Thantlang khua ah laiason office hawng in CNF leh Chin state sorkar inbiakpawha hawn tur. Inkahhai lai hian CNF/A in Tlangpi , Dawn, Zantlang  khua (Thantlang township) ah te hian awmhmun an khuar thei ang. Chu khaw 3 bakah Zimpui leh Bukphir khua (Tedim township), Kungpyin Para, Pathiantlang village trace (Paletwa township) ah anhmun an khuar theihnan Burma sorkar hnenah kan sawi sak ang.

Photo : Chinland Guardian

3. Chin state sorkar leh CNF state levela remna sawitute hi Burma ram hmun tinah hriamhrei keng lovin zalen takin an kal thei ang.

4. Remna thu sawi a nih zel theih nan Chin state sorkar leh CNF ten inhmunna leh sawihona hmun leh hun ruat zel in an sawiho zel anga, Burma sorkar laipui policy leh democracy kalphung a kan chaunkai theihna tur chu thupui ah dah in an sawiho tur a ni.

5. Burma rampui huap zawnga remna thu an sawi chuan Chin mipuite ngaihdan leh duhna mila an sawiho theih nan CNF/A hian ramchhung leh ram pawna Chin mite zalen taka kawmna (Public Consultation) neih phal sak a ni.

6. Chin mipuite ei in, damdawi, tui thianghlim harsatna chu sutkian a nih theihnan khawvel ram tina NGO (Non-Governmental Organization) ten Chin state leh Burma ram hmun tinah zalen taka hna an thawh theih nan rem kan ti.

7. Burma rama state pachhe ber Chin state hi state changkang leh hmasawn a lo nih theihnan Burma sorkar laipui puihbawmna in SEZ (Special Economic Zone) chu CNF in Burma sorkar danpui bawhpelh lova a buatsaih kan remti. He SEZ din thu hi CNF leh Burma sorkar ten an sawiho chhunzawm zel ang.

8. Chin state sorkar leh CNF hian Chin state changkang leh hmasawn nan a trul dana zir in ngaihdan thawhhovin, an thawktlang anga, an sawiho zel ang.

9. Chin state sorkar leh CNF hian Chin state hmar lama Kahni (Opium) chinna, Kahni indawrna chu a rem bo theihnan hma la in an thawkdun ang.

Thu lakna : Muchhip Groupmail