"Burma Where Next?" Burma Day

by LM Kima

Ni 3 November 2011 Inrinni chawhnu dar 2 atanga chawhnu dar 4:30 vel thleng khan "Burma Where Next?" Burma Day (sawihona leh presentation) kan hmang a ni. Subject hi pahniha then a ni a, subject pakhat zawk chu Burma-Where Next? tih a ni a, Ben Rogers-a (Christian Solidarity Worldwide) hnen atangin kan ngaithla a, kan hlawkpui hle a ni. Tichuan zawhna leh chhanna hun te hman zawh a nih hnuin Rohingya hruaitu pakhat hnen atangin presentation kan ngaithla chhunzawm nghal. Presentation hi darkar chanve chuang kan ngaithla a, tichuan presentation neih zawhin zawhna leh chhanna neih chhunzawm nghal a ni. Tichuan zawhna leh chhanna kan neih zawh hnuin rei lo te kan chawl zuai.

Tichuan subject pahnihna kan ngaihthlak chhunzawm nghal a, thupui pahnihna chu "Free the political prisoners" tih a ni a, Tony Fairman-a (Amnesty International) hnen atangin fuihna thu chah kan ngaithla leh a ni. Tony-a hnen atanga thu tha tak tak kan ngaihthlak hnuin zawhna leh chhanna hunin kan hmang chhunzawm nghal. Tichuan chawhnu dar 4:30 velah kan zo fel thei a, tichuan a group-a thlalakna te kan nei a ni. 

Burma-Where Next? hi St. Andrew's Church, Short Street, Waterloo,London, SE1 8LJ a neih a ni. Mi 20 tha vel kan kal khawm.

Hmeichhe tan zu in a tha lo lehzual

Swedish scientist-te chuan zirchianna an neih thar zu in nasat hi mipa aiin hmeichhe tan a a tha lo lehzual niin an sawi a, zu hian hmeichhia thluaka serotonin system chu mipa thluak aiin a khawih chhe rang zawk niin an sawi.

Zirchianna  neitu te  chuan  hmeichhe  zu in  nasaah  chuan an  thluaka  serotonin system zu in a  tihchhiat dan hi  kum 4  vel atangin a lang tan niin an sawi a, chutih laiin mipaah chuan kum 12 vel atang a lang ve tan chauh, an ti.

    Serotonin chu hormone pawimawh tak, kan mood (hlim leh hlim loh) control tu a ni.

University of Gothenburg, Sweden-a Department of Psychology leh Sahlgrenska Academy-a mithiam ten zirchianna hi neiin, an zinga mi Kristina Berglund chuan, "Neuroendocrine technique hmangin zirchianna hi kan kalpui a, hemi hmang hian zu  in thluak a khawih dan kan hrechiang thei ta a. He system hian impulse control leh mood bakah thluak hnathawh dang a khawih dan te kan hre thei ta a ni," a ti.

Hmanlai kan pi puten pathian an ngaihdan

Kan pi pute chuan pathian hi chi hrang pali awmin an ngai a.

1. Puvana 

Puvana hi chu khawpui ri siamtu leh tiritu a ni. Van chhuatlaiah a thleng pui a hnuk ri rum rum thin; leia miten chu mi thawm chu, 'Khawpui a ri,' kan lo ti thin. Puvanan a thlengpui a hnuh rual chiahin tui huai a lo thawk chhuak ve a, tekah a lo chang a, a duh duh a rawn deng thin.

2. Vanchungnula

Vanchungnula hi chu ruah chunga thuneitu a ni, leia miten tui an mamawh veleh a chawi a, leiah a zuk leihbua a, leia miten 'Ruah a sur,' kan lo ti thin a ni.

3. Vanhrika

Vanhrika hi chu lei leh van finna leh thiamna (Science) vawngtu, lei mite hnena pe chhawng thintu a ni; a hnen atangin Lalruangan dawi a la chhawng a nih nghe nghe kha.

4. Khuavang (Khuanu)

Hei hi chu lei leh vana malsawmna vawngtu a ni. A hnen atangin mi tinin malsawmna an dilin an dawng thin. Tin, rama chaw ei dawn apiangin, 'Khuatlai' tiin chaw leh hmeh tlem te an pe ve ziah tur a ni.

Thu lakna : Mizo Pi Pute Leh An Thlahte Chanchin

                 K. Zawla

US Secretary of State Hilary Clinton-i Myanmar (Burma) ah

Vawiin khan US Secretary of State Hilary Clinton-i chu Myanmar sawrkar nena inbe turin Myanmar khawpui Naypyidaw a thleng. US Foreign Minister pi Clinton-i hi tukin zing khan Myanmar sawrkar hruaitute nena inhmu turin a vawi 1 na atan Naypyidaw a rawn thleng a ni. 

Photo : DVB

President U Thein Sein telin Foreign Minister U Wanna Maung Lwin, Speaker of the Lower House of Parliament Chairman (Pyithu Hluttaw) U Thura Shwe Mann, Speaker of the Upper House of Parliament (Amyotha Hluttaw) Chairman U Khin Aung Myint te chuan US Foreign Minister pi Clinton-i chu President office ah an kawm a ni.

Engvanginnge Mumang Hi Kan Neih?

Chhanna: Kan muthilh hlanin mumang kan nei thin a. Chawhrualin mitinin zan khatah mumang vawi 2 emaw vawi 3 emaw kan nei ziah a, hriat chhuah leh hriat chhuah loh kan nei mai chauh a ni. "Mumang ka nei lo" ti hote hian an nei tho va, an hrechhuak zo lo mai chauh a ni. 

Photo : Google Image

Engnge i ngaihdan le?

Salai Martin

Sipai sawrkar buatsaih inthlanna kha kum 7th Nov, 2010 khan neih a ni a, sipai sawrkar inthlanna buatsaih na na na chu anmahni mi leh sa te vek thlan tlin an ni ta a. A hmingin mipui sawrkar inthlanna ti chuan an vuah ve tak na a, an sipai kawr hlipin mipui hming vuahin inthlannaah nihna tha tha chang thei turin an chuh leh tho ta si a. Kha inthlanna kha kei chuan naupang inkhualtelem ang vel lekah ka ngai a ni. Naupang in chai vel mai mai te pawh a tih theih ang chu. 

Hmun thenkhatah anmahni sipai ralthuam nen an vau a, a bik takin tlangmi te, tlang chunga awm te leh an ngam zawng te phei chu an vau lehzual a, an sipai party Pyi Khaing Phyo party chu thlang ngei ngei turin an vau bet tlat a nih kha. Hmun thenkhatah chuan PKP party vote pek thlak lohna hmunah pawh PKP chuan vote an hmuh thu te dawn a ni bawk. Khati khawpa sipai sawrkarin inthlanna bawraw tak, duk dak lo tak a buatsaih kha keini Mipui sawrkar thlawp tlattute chuan kan pawm lo va, kan pawm lo mai pawh ni lovin inthlanna pawh kan chuh lo a nih kha. 

Analysis: US hmalaknain China angchhung ata Burma a thlemchhuak thei mai thei Pu Lallian Thara

(AP) WASHINGTON — Kum zabi chanve chhunga US palai lawk berin Burma ram a tlawh hmasak berna tur chuan, khawvel sawrkar tam takin an kawmserhna leh a ṭhian rinawm, mahse a rin ngam tak tak si loh, China ram chunga loh theih lohva a innghahna chu tihkiam theihna kawng a hawng dawn ta. US Secretary of State Hillary Rodham Clinton-i chuan ni hnih chama sawrkar hruaitute leh opposition hruaitute kawm turin December thla ni 1-ah Burma rama kal a tum a. Hei hi US-in a lo kawmserh tawh sipai sawrkar nunrawng tak nen inzawmna neih leh tuma kum 2 chhung a beihna rah chhuah a ni. Sipai inrawlhna thuk tak awm bawk mah se civilian sawrkar hming pu thei tur din tuma inthlanna nikuma an buatsaih avang khan US chuan Burma sawrkar chu democratic reform nasa lehzuala ti tura a nawr theih a beisei zual sauh a.

Kan muthilh hlan hian kan taksa eng anginnge a awm?

Photo : Google Image

Kan thluakah hian hmun pakhat, khirhkhan deuh mai hi a awm a. "Muthilhna Centre" an vuah a, kan thisena calcium awm hian he hmun hi a thunun tlat mai a. He centre hian calcium a dawn hnem tawk chuan kan muhil mai a ni. Ranah chuan he centre-a calcium chiu luh chuan an muhil nghal mai, thisena chiu luh erawh chuan an muhil nghal mai lo. Tichuan he muthilhna centre hi kan cheuh hle avanga damdawi chemical engemaw kan taksain a tihchhuah chuan a han chawk tho ni ngei tur a ni. Hei hi he centre-in calcium a hmuh hma hi a ni a. Tichuan he centre hian calcium a han dawng a, kan muhil ta mai a ni. Kan muthilh hian he centre hian thil pahnih a thawk a. Pakhatnaah chuan thluak hriatna bawm a khar phui a, kan duh danin kan awm thei ta lo va, engmah kan hre ta lo va. Pahnihnaah chuan hriatna thazamte a khar phui a, kan kawchhung leh kan fukete an muhil ta bawk a.

UN Thu Leh Hla

Photo : Zo Kawtchhuah

Nov. 16, nilai ni zing dar 9:30 khan UN hmalakna chi khat CDU ( Community  Development Unite) an tih chuan Community hrang hrang hruaitute sawmin Chinese Assembly Hall,  Maharajalela-ah mi 120 vel an kalkhawm a, Mizo Refugee aiawhin MCF Secretary leh Tv. Lalchhanhimate an tel.

He inhmuhkhawmna hi hun hniha then a ni a, hun hmasa zawkah chuan OPE kan tih mai thin, tun hnua RSC ( Resettlement Support Center) an tih tak atangin khual lian Officer Tabby-i hnen atangin thu pawimawh tak tak kan ngaithla. Hetiang deuh hi a ni:

Chinese Pa Leh A Sakawr

"Ka chunga thil lo thleng te kha Chanchin Tha tihdarhna tur a lo ni ta hlauh zawk......" (Phil. 1:12)

Photo : Google Image

China-ho khian thawnthu pakhat an nei a. Pa pakhat hi a sakawr a bo a. A thenawmte chuan an rawn lenpui laih laih a, "A pawi mang e, i sakawr kha a len that nen," an ti a. A ni chuan, "A pawi leh pawi loh pawh ka hre chiah rih lo ve," a ti a. A hnu feah chuan a sakawr chu a lo hawng a, ram sakawrin an rawn zui hawng duah mai a. Sakawr a nei ta teuh mai a. A thenawmte chuan, "A va lawmawm ve le," an rawn ti laih laih a.A ni chuan, "Lawm tur nge lawm loh tur pawh ka hre rih lo ve a," a ti leh a. Ramhnuai sakawr kawlh pakhatin a khupah a kheng a, a sil ta reng mai a. A thiante chuan, "A pawi mang e," an rawn ti leh a. A ni chuan,"A pawi leh pawi loh pawh ka la hre rih lo ve," a lo ti leh mai a. Indona a lo awm ta phut mai a,"Mipa, a dam apiang ral do tura kal tur," an ti ta a. A ni erawh chu han kal zia zang ni hek lo, inah a awm a. A thiante kal chu tam tak ralah an thi ta a.

Political avanga tang te chhuah thuai turin UN Secretary Ban Ki Moon-an Myanmar President Thein Sein a ngen

UN Secretary Ban Ki Moon leh Myanmar President Thein Sein
Photo : DVB

Political avanga lung in tang mek te chhuah thuai turin UN Secretary Ban Ki Moon-an Myanmar sawrkar chu a ngen nawn leh a ni. 

Association of South East Asian Nations, Indonesia-a neihnaa hruaitute inhmuh khawmnaah UN Secretary Ban Ki Moon-a pawh lo telin Myanmar President U Thein Sein nena an inhmuhnaah urhsun taka a ngen thu chanchin bu mite hnenah a sawi a ni. Political avanga lung in tang te hi kum 2014 thleng nghah a tul kher loh thu a sawi bawk. Heng thil hi khawvel mipuiten a lo thlen thuai an nghakhlel ang bawkin, chu an nghahhlelhna tihlawhtling tur chuan President Thein Sein hian mawhphurhna a nei a ni tiin a sawi tel bawk.

Burmese Literary Event 2011 kan hmang

by LM Kima

Vawiin ni 19 November 2011 hian Burmese Literary Event 2011 kan hmang. Chawhnu dar 1:00 atanga tlai dar 6:10 thleng hun kan hmang a, kal khawm mipuiten kan hlawkpuiin kan kham lo kher mai. Mi 100 tha vel kan kal khawm a, kan hlawkpui hlawm hle a ni. 

Burmese Literary Event hi Nita Yin Yin May huathawtnain kan hmang a, Burmese Literary Event tih a nih angin kawl tawnga thu leh hla hmanga inpawlhona neih a ni. Kawl tawnga thu leh hla lama hmasawn theihna tura huaihawtna a nih avangin kawl tawng veka hun hman a ni bawk. Burma ram chhungah hian hnam hrang hrang leh tawng hrang hrang te kan awm teuh va, chung zawng zawng min khaikhawmtu chu Kawl tawng kan tih (Burmese, Bamar) hi a ni a, a ramchhunga cheng hnam hrang hrang te zingah pawh hmun a luah zauvin ram a la chak em em a ni. Burma ram chhunga tawng tualleng, official tawnga hman a nih avangin a hmangtute pawh an tam a, Burma ram chhunga hnam hrang hrang te zingah chuan thu leh hla lamah an sang ber a ni.

Lung natna ata inven dan chi 7

@ Zial zuk loh 

Lungna avangin mi tam tak an thi a, zaa sawmhnih (20%) hi zial zuk vanga thi an ni. Zial zuk ban san hian kum khata lung dawt zim nat theihna zaa sawmnga (50%) a tla hniam a, zial zuk bana kum 15 a ral hnu chuan zial zu lo te angin an awm leh thei.

Photo : Google Image

@Thlai hnah, sangha leh thil dang ei tam a tha

Hriak tam tak ei hian thisen dawtah thau hmangin a hnawh thei a, thlai hnah ei tam hian lung natna a tih zia awm phah.

@Thil al ei tlem tur

Sodium tam lutuk ei tam avanga thisen sang thin avangin zeng natna neih a awl hle. BP teh pawh a changin zawn hmuh loh chan a awm thin. Chuvangin a al ei tam loh a tha a, lung natna laka invenna tha ber a ni.

@Chet tam a tha

Kum khat chhunga thihna tam bera Mtd 2 chu taksa chetna neih loh vang a ni an ti. Ni khata minute 10 chhung thlan tlain vawi 3 neih thin hian lung nat theihna zaa sawmli (40%) thleng a tla hniam thei a ni.

Mizo Thla

1. Pawl kut - January : Pawl kut hun.

2. Ramtuk - February : Lo vah hun.

3. Vau - March : Vaube vul lai.

4. Tau - April : Hmuntau hmin lai.

5. Tomir - May : Lova thil chin to hun, ruah haw pawh Toruah an vuah, Thlakhur thla an vuah bawk.

6. Lalmanga nu hlawh rawih - June : Lalmanga nu (Ngente lal) hi mi thil chik tak, khawlaia dawhkilh vihbur atangin ni rei ber ni a hre thei a, Lal hlawh hi thain an la thin a ni.

7. Vawkhniak zawn - July : Ruah phingphisiau a tla reng a, vawk hniak a reh hman lo.

Human Right Dan an la mausam fo tiin Obama-n sawi

Photo : DVB

Myanmar ramah hian political avanga mi tang then khat te chhuah an ni tawh nain Human Right dan an la mausam/palzut (bawhpelh) fo a ni tiin US President Obama-n a sawi.

Australia rama khualzina cham mek Obama hian Canberra khawpui, Australia parliament-a a thu sawinaah Myanmar chungchang sawi telin ti hian a sawi a ni.

"Vawiinah hian Daw Aung San Suu Kyi chu a chenna in (House Arrest) atangin chhuah zalen a ni tawh a, political avanga lung in tang mi then khat te pawh chhuah an ni tawh bawk a; sawkar pawhin political party chi hrang hrang nena sawihona pawh a nei tan tawh bawk. Mahse, mihring chanvo (Human Right) dan bawh pelhin a la awm fo a ni. Chuvangin US nena inpawhtawnna tha zawk a awm theih nan Myanmar sawrkarin a hmalakna tur te pawh kimchang fel fai takin kan sawi a ngai a ni" tiin US President chuan a sawi a ni.

Thu lakna : DVB 

Sipai sawrkar buatsaih inthlan kum 1 tlinna

by LM Kima

Vawiin ni 7 Nov, 2011 hi sipai sawrkarin inthlanna a buatsaih kum 1 tlinna champha a ni a, London-a awm thalai rual, mipui sawrkarna duhtute chuan London-a awm Burma Embassy hmaah duhloh entirna, kawng zawh runpui kan nei a ni. Mi 100 tha vel kan kal khawm a. Vawiin hi kan hriat theuh angin sipai sawrkar buatsaih inthlanna kum khat tlinna champha a ni. He inthlanna fel hlel leh dik lo tak mai hi keini mipui sawrkar duhtute chuan kan pawm thei lo va, kan tawmpui thei lo bawk. Nikum inthlanna kha sipai sawrkar huaihawta buatsaih a nih avangin anmahni sipai sawrkara nihna sang tak tak lo chelh tawh te tlin ngei ngei na tura a tik taka buatsaih a ni te pawh a tih theih ang chu.

Photo : Ko Martin

Dalai Lama'n pi Suu Kyi Czech Republic-a kal turin sawm

Photo : Google Image

Czech Republic rama Conference neih tura tel ve ngei turin Nobel Peace Prize dawngtu Tibet puithiam Dalai Lama chuan pi Suu Kyi (Nobel Peace Prize, 1991) chu sawmna lehkha a thawn a ni.

Tun hnaia NLD Office-a lehkha an dawn angin December chawhma lam khian Czech Republic ram, Prague khawpuia Conference neih tura an buatsaihah hian Nobel Prize chawimawina nopui lo dawm tawh zawng zawng te leh khawvel hruaitu then khat te pawh tel tura sawm an ni. 

The US special representative for Burma, Derek Mitchell Myanmar-ah tum hnihna

Myanmar ram tana a bik taka khual lian, US aiawha lo kal Derek Mitchell chu a tum hnihna atan vawiin khan Myanmar a rawn thleng leh ta hlawl mai! Derek Mitchell hi ni hnih chhung a cham tur thu Yangon-a American Embassy-a thuneitu pakhat chuan a sawi a ni.

Photo : DVB

Derek Mitchell-a lo kal chhan ber chu, political prisoners te chhuah belh tur te, opposition parties chi hrang hrang te leh pawl hrang hrang hruaitute nena sawihona neih a nih tur thu te, tunlai thingtlang area-a inkahna, tharum thawha inkahna tih tawp thuai a that thu te, Myanmar sawrkar pawhin International Law chu a taka zawm ngei tur thu te sawipui tura lo kal a ni.

I tunhnu kawng sial

America President atana a in-zawrh ve khan Abraham Lincoln chu chanchinbu mi pakhatin a tlin ve theihna mai dan tur engtia beiseiawm nge tih a zawt a. Ama tihdan pangngaiin Lincoln chuan heti hian a chhang a ni:

Photo : Google Image

"Breckinridge-a hi chu chhim lam mi a nih avangin hmarlam miin an duhsak vakin ka ring lo va, ka hlau lo. Douglas-a pawh hi chhim lam miin an duhsak dawn loh avangin ka ngaihtuah buai tehchiam lo. Mahse mi pakhat hlauh zet mai ka nei. A hming chu Abraham Lincoln-a a ni. A tlak vaih chuan amah vang vek a ni dawn tlat."

Mitin mai hian an tunhnu awmdan turah mawh an phur viau vek mai a. A tlangpuiin keimahni ngaihdan leh kan thawhdan hian kan hlawhtlin leh kan hlawhchham hi a hril tlat a ni.

Demonstration For Global Action Of Ethnic Kachin

by L.M.Kima

Vawiin 14th October 2011 Zirtawpni khan Kachin National Organization (KNO) te huaihawtnain Burmese Embassy hmaah kawng zawh runpui neih a ni. Thalai mi 100 tha vel kan kal khawm a, kan thahnem hle. Hemi kawng zawhin a tum ber chu tun hnaia China sawrkarin Myit Sone Dam a siam tum chungchang duhloh entirna a ni.

  Holding Demonstration For Global Action Of Ethnic Kachin
In front of Burmese Embassy

Mit khap kar

Mizote hian hun reilote sawi nan "Tuibur hmuamda", "mitkhapkar" tih te kan hmang thin a. Sap ho te chuan hun rei lo tak sawi nan,"Second hmun 1000-a thena hmun khat" an hmang a. Hei phei hi chu a rei lo hle a, hun teh nana hman tham pawh a ni lo. Kawl vawi khat a phet zawr chhung hi a ni mai awm e.

Photo : Google Image

Mihringten sana an siam thiam hmaa an hun tehna chu Sundial te, tui sana te leh tiauvut leh no te an ni a. Hengah hian minute rei lam tehna a awm lo. Sundial chu Leiah hmawlh an vit phun a, Ni awmna a danglam ang zia zelin hmawlh hlim chu an then ta a. Ni chhuah atanga a tlak thlenga a hlim inkar chu hmun engemaw zatah an then a, an chhinchhiah a, hun rei lam an teh ve mai. Hmun 10-a an then chuan ni khat chu darkar 10 angin an hmang ve mai.

Tui sana erawh chu baltinah tui an dah a, an chhin phui a, a mawng sirah dawt te reuhte an dah a, a chhin hmun khatah an verh kua a, tui a far rual theih nan. Baltin mawnga dawtah tui a lo far keuh keuh va, chu chu bur tung sei takin an dawh a, Nilenga a farin a chim chin chu an chhinchhiah a; a san lam chu inchen hmun eng zatah emaw an then a, chu chuan hun an teh thin.

Thluak Vitamin

Photo : Google Image

Thlasik lai chuan Vitamin C hi thluak lam tan ei tam a tha. Engvangnge kan tih chuan Vitamin C hian lung dawt chungchanga hriselnaah chakna tam tak a pe thei a ni. Cambridge New University-a research an beihnaah mi 20000 an enchhinnaah chuan an thisen chhunga Vitamin C nei tam te chu Vitamin C nei tlemte aiin zeng natna 40% in a tlakhniam thu an hmu chhuak.

Ruihhlo hi hnam hmelma

- Vanhmingliana, Dawrpui

Chhungkaw sawprawp, keh chhia (Broken family) kan hmu thin a, kan pung tual tual lehnghal. A chhan leh a vangte zawn chhuah anih vat loh a, siamthat hna thawh thuai a nih loh chuan Hnam boralna hmahruai a ni ngei ang.

Ruihhlo ngaih avanga chhungkua-in a tawh langsar te:

 

1. Kan Bible chuan, “Zu hi nuihza bura mi siamtu a ni a, zupui hi insual bung bungna a ni” a lo ti a, thu dik tak a ni. Zu hi amahin sual a ni ngawt lova, a hmangtu-in a hman thiam loh vangin suala ngaih a ni mai zawk. Chhungkaw pa berin zu ringawt a buaipui chuan, chu chhhungkua-ah chuan hlimna tak tak a awm thei lo. Chhungkaw nitin khawsak a buai a, ei leh bar tur a harsa a, chutah innghirnghona a lo chhuak lo thei lova, thin thiin a mut theih ta thin loh. A tawpah chhungkaw lu ber ve ve nupa chu an lo inthen ta nge nge thin. An fate Lalpa laka an rochante chu thlabar leh mangangin an lo seilian ve ta thin a, chu chu a ni chhungkaw kehchhia lo pianna bul chu.

EPIGRAM (100 WISE SAYINGS)

1. It doesn't matter what people think, it matter what God says.
Mel Walters

2. The Bible is not nearly so interested in the age of rock as in the Rock of Ages.
Walt Yaho

3. Where the Scripture hath not tongue, we need not have ears.
Trapp

4. The Bible is meant to be bread for our daily use, not cake for special occasions.
Our Daily Bread

5. God is looking for character-not characters!
Walt Yaho

6. Peace is joy resting; joy is peace dancing

7. Defination of humility: Consciousness of unworthiness.
William R. Newell

8. Defination of compassion : Your pain in my heart.
Bob Taylor

9. In creation we see the hand of God : in redemption we see the heart of God.
Keith Davey

10. Christians never say,"Good-bye" for the last time.

Tattoo 

- Dr Thangchungnunga, MS (Ortho)

Tattoo hi Mizo tawngin a awm lova, mizo tawngah kan la lut mai ang a, kan hrethiam vek tho a. He thil hi tunhma kum 20 kalta vel khan tleirawl hovin an uar em em mai a. A awmzia leh a that lohna hre silo a, lo inchuttir ve ngawt an tam em em a, a pawi hle. Kan Bible Leviticus 19:28-ah pawh hian Tattoo hi a duh lova, hei hi kan thu hriltu leh Kohhran hruaitute lam hian an sawi ngai loh lutuk avang a ni ber a. A chhan chu sakhuana nen a inzawm tlat vang a ni.

Tunah phei chuan Sipai tur te, sawrkar hna thawk tur hrang hrangah Tattoo nei chu an lak duh loh phah tawh a. Kan Kohhran Presbyterian atanga kal chhuak an tam thinna pawh kha kan thurin innghahna kan hruaitu ten an sawi tlem lutuk a, a zira kan zir tak hial kha. Tattoo pawh hi Pathian duh loh a nih thu hi sawi tam se, naupang lo thang leh zel turte kan humhim thei ang.

Kachin mipuite potter tihluihtir, tiduhlote pawisa chawitir

Myitchina khawpui atanga Irrawady luipui chhak lam pana rawn kalho sawrkar sipaite chuan luipui kama kawng tluana mipui an man theih theih te chu manin an puak phurtuah an man a, an phurhluihtir bawk. Chutia tiduhlote chu pawisa an chawitir bawk a ni.

Ni hnih thum kal ta atanga Myitchina khawpui atanga Talawkyi lam pana kal mek sawrkar sipai rual te chuan khawchhunga an man theih theih te man khawmin an puak phur turin an tilui a, an man bawk a; an mante hi pawisaa tlanchhuak leh turin khawchhung mipuite lakah mawi lo taka an chet thu khawchhung mi pakhat hnen atanga thu dawn a ni.

He Talawkyi lam pana sawrkar sipai rual kal te hian kawng tluanin an man theih theih te man khawmin an puak an phurhtir a, chung an puak phurte zinga tlema pawisa nei deuh te chuan an chhungte hnenah pawisa chahin an intlanchhuak a, mi pakhatah Ks. 500,000/- in an intlanchhuak tih thu dawn a ni bawk.

Thu lakna : DVB

Eng hi nge tha thawh hun?

Photo : Google Image

Rawlthar pakhat chuan mi huan hnim samah pawisa a hlawh chhuak teuh mai a. A pa chuan chutia pawisa a hlawh thei riau mai chu mak a ti a, a enzui ta ngat a. A fapa hnenah chuan, 'Engatinge an kut an thlak ve hma hian inhlawhna tur i dil duh miah loh chu le?' a'n ti a.

Chu naupang fing zet mai chua,'Hmanhmawh loh ka zir alawm. Ka hna tam ber hi chu mahnia phur taka thawk tan ve mai a, mahse a chanve vela ti tha leh peih ta lo hnen atanga ka hmuh hi a ni miau a ni!' a ti nia.

Hna reng rengah hian hlawhtlinna a awm dawn lai vel chiah hi a harsa lai a ni duh khawp mai. Kum za kalta vela Kimberley hmuna an lunghlu khur ropui lutuk hmuhchhuah thu kha i lo hre tawh mai thei. Hausak thuai duh mi tam tak an lo kal a, lunghlu chu an zawng sup sup mai a. A tirah chuan a lei pawnlangah chuan lunghlu chu an han lai chhuak mai a. Chutia lunghlu hmel an han hmuh chuan mite chuan an pawisa tlin tawk ram leiin an hai sup sup mai a ni. Chutianga kum hnih vel an han phet suau suau hnu chuan a chunglanga lunghlu inphum chu an hai chhuak zo ta mai a. Chu lei chunglang hnuaiah chuan tlak lei dum chi, chang em em mai, pa sek pui pui ban tha leh lei verhna thir hriam hmawr zum pawhin a chhun khawh hleih theih loh a lo awm a. Chu tlak lei sak tak mai han bawh pawp tur meuhva rilru han siam ngam chu an tlem hle a. An lunghlu zawnna hmanrua te chu an hralh ta zawih zawih a, chu hmuna lunghlu chu an la zo tawh ni awmin thu a thang zui ta mai reng a.

Hmaihuh (Measles) Natna Avangin Burma Refugee...!

by Dr.RD

Photo : Google Image

USA a Milwaukee khawpui, Wisconsin State (Chicago hmar lam mile 100 vel) ah Malaysia atranga lo kal Burma refugee chhungkuaah “Hmaihuh (Measles)” natna an nei an hmu a, America mipui ten an kaichhawn darh an hlauh avangin USA sorkar chuan Burma Regfugee-te USA a lo lut tur chu tiamchin awm lovin a titawp rih a ni. Hei hi USA Health Department thuneitute sawi a ni.

August 24, 2011 ah Milwaukee khuaa lo thleng Burma refugee naupang kum 2 mi chu Hmaihuh natna a nei tih September 7, 2011 khan hmuhchhuah a ni. Burma refugee dang mi 2 pawh Hmaihuh natna an nei tih USA sorkar CDC (Central for Disease Control) in a puang.

Tin, Malaysia a tranga lo kal Burma refugee California state, USA lo thleng, kum 15 mi pawh Hmaihuh natna a vei tih an hmuchhuak leh a. He kum 15 naupang nena thlawhna (flight) ron chuang za ho refugee dang naupang 3 pawh Hmaihuh natna an vei tih an hmuchhuak leh zel a. Heng naupang damlote hi Hmaihuh venna/danna damdawi (Measles vaccine) chiu (jection) an la ni lo tih hmuhchhuah zel a ni.

Saffron Revolution Day hmang....!

By L.M.Kima





Vawiin ni 26th September, 2011 Chawhnu dar 1:00 khan a vawi 4-na atan Saffron Revolution Day kan hmang. Saffron Revolution Day hi Burmese Embassy hmaah hmangin thalai 150-200 rual ten duh loh entirna kawng zawh neih a ni. He Saffron Revolution hi kum 2007 September ni 26 khan intanin kumin hi a vawi 4-na champha a lo ni leh ta reng mai. He Saffron Revolution hi kawl puithiamten mipui harsatna hriain lirthei chuan man to lutuk chungchangah te, ei leh bar chungchanga thil man to lutuk te denchhenin sipai sawrkar thuneitute hnenah an rilru dik tak lanchhuahtirna kawng zawh hi huaihawt a ni a, he kawng zawh runpuiah hian kawl puithiam te mai bakah mipui a nuai telin an rawn zawm a ni.



Photo : Pa Lai

23rd Anniversary of Military coup in Burma Day kan hmang (London)

By L.M.Kima

Nimin ni 16 September 2011, Chaw hnu dar 1:00-2:10 inkar khan UK chhunga awm kawlram atanga kal thalai rual mi 150 chuangin 23rd Anniversary of Military coup in Burma Day, duhlohna entirna kawng zawh runpui kan nei a, mi kan thahnem hle a ni. Sipai sawrkarnain kum 20 chuang teh meuh mipui leh ram an hruala an tih che reu hnuin tunah hian an sipai kawr chu an hlip a, civil thuama inthuamin anmahni vekin lalna an chang leh a ni. Kum 1990 kuma inthlanpuia hnehna chang party NLD te hnenah thuneihna hi an hlan duh lo va, vawiin ni thlengin keini NLD member tawmpuitute chuan kan theihna hmun hmun leh kan theihna zawn zawn atangin hma kan la mek zel a ni.

Photo - Chinland Guardian

International Day of Democracy (2011) a pi Suu Kyi-i fuihna thuchah

Vawiin International Day of Democracy chu (ramchhung) NLD hmunpui Yangon office ah hman a ni a, he inkhawmnaa NLD General Secretary pi Aung San Suu Kyi-i thusawi tlangpuite tarlan a ni.

Photo - DVB

Democracy inbeihna/indona kan tih hian a dik tak chuan rilrua inbeihna/indona (chhungril lam ngaihtuahna hmanga inbeihna/indona ) a ni.

'Democracy inbeihna/indona kan tih hian a dik tak chuan rilru leh ngaihtuahna hmanga inbeihna/indona a ni. Democracy ngelnghet kan siam dawn a nih chuan kan rilru ngaihtuahna hi Democracy nen a inmil tur a ni. Democracy nena inmil tak rilru kan pu tur a ni bawk. Kan kain engtiang khawpin sawi eng ang mah ila kan rilru put hmang a dik miau si loh chuan kan hlawhtlin tur angin kan hlawhtling thei lo vang. Rilru inbeihna/indona kan tih hian rilru ngaihdan thlak thlengna hi a ni. Ngaihdan thlak thleng han tih hian tun dinhmuna thil thleng pakhat chiangkuang taka thlak thlengna a ni a, hriat hran theih turin thlak thlengna lian tak siam a ni.'

Hringnun phurrit chhawkna

Photo - Google Image

America rama dawr lian tak mai, hmun hran hrana a zar leh peng inhung thliah thluah tham khawpa lian chu a tla chhe rup mai a. Eng vang nge ni le? An bungrua a chhe bik nge an thil zawrh te chu a man a sang bik? A eng mah mah chu a ni lo. Chu dawr nghaktute chuan nuih aiin nur an ching zawk a, anmahni dawrtute lakah hawihhawm an chhuah peih lo a ni. 'Chutiang ngata dawr nghah chu tlakchhiatna awlsam ber a ni,' an ti nia. Mi pakhat chuan, "Tunlaia harsatna lian tak pakhat, hnathawhna hmun neituten kan tawh chu hnathawktu, hna thawk duh bawk si, thawhpui nuam tak zawn hmuh hi a ni," tiin a sawi.

Tunlaiah miin a man zat leh a bungraw that leh that loh ringawt an thlu lo, mawihnai taka dawnsawn an duh tel vek a ni. Sumdawnna hmun lian tak pakhata an hotupa chuan tunlaia sumdawnna lian innghahna reng reng chu an thil zawrh dan an chhiar lam ai mahin anmahni dawrtute an enkawl that leh that lohvah a innghat zawk tiin a sawi hial mai. Chutianga mahni dawrtu apiang tha taka enkawl an nih theih thu puang zar tur chuan sumdawnna lian neitute chuan thiam chitin an thawh a. Company pakhat phei chuan anmahni dawrtute chu nelawm takin an enkawl a ni tih an hnathawktute hriat nawntir zel turin darkar tin an hmet ri thin nia maw le.

Kan ram a damlo....?

By Salai Martin

Ram ropui leh ram nuam tehna chi khat chu a chhunga cheng mipuite zalennaah a innghat kan ti thei ang. Khawvelah hian sawrkarna chi hrang hrang a awm a, mipui lalna sawrkar, mimal thuneihna sawrkar...adt. Engkim mai hian a thatna leh chhiatna a nei vek bawk. Sawrkarna chi hrang hrang awm thei zingah mipui lalna, sawrkarna leh mimal thuneihna sawrkarna hi kan ram thlirna tarmit atangin han thlir bik dawn teh ang.

Kan sawi tawh angin thil engkim mai hian thatna leh thatlohna an nei vek a, thil reng reng chu a hmangtu a zira tha thei leh tha lo leh mai thei a ni bawk. Chuvangin thil tha nia kan hriat te chu hmaih awm miah lovin tih i tum zel ang u. Tunlai khawvel dinhmunah chuan mimal thuneihna sawrkarna aiin mipui thuneihna sawrkarna hian hma a la chak ber a, tun aia chak pawhin hma a la la zel dawn a ni. Kan ram Zalenna sualchhuaktu Gen. Aung San-a ngei pawh khan mipui lalna sawrkarna hi thlawpin a theih tawp a lo chhuah a, a thluak ngaihtuahna leh thiamna chi hrang hrang hmangin Kumpinu sawrkar hnena atangin Zalenna a lo sual tawh thin a ni. 

Gathering for the release of Hla Hla Win, Burmese political prisoners and DVB VJ

by L.M.Kima

Vawiin ni 9th September, 2011 chawhnu dar 12:00-1:00 inkar khan Burma Campaign UK huaihawtnain Burmese Embassy hmaah mi 100 vel pung khawmin demonstration neih a ni. He demonstration-in a tum ber chu kum hmasa lama sipai sawrkarin an man tak leh kum 27 tang tura lung ina an khung tak Hla Hla Win, DVB VJ, duh loh entirna leh chhuah thuai tura ngenna a ni a, chutih rual chuan tuna political avanga jail chhunga la tang mek te chhuah thuai tura ngenna a ni tel bawk. 

Photo - Chinland Guardian

PROTEST DEMANDING RELEASE ALL POLITICAL PRISONERS IN BURMA

   by L.M.Kima

Photo - Chinland Guardian

Vawiin ni 1st September,2011 hian 88 New Generation Student pawl huaihawtnain Burmese Embassy hmaah demonstration (kawngzawh runpui) neih a ni a, mi 100 tha dawn lai kan kal khawm. He demonstration-in a tum ber chu political avanga tuna jail chhunga la tang mek 88 student leaders Ko Min Ko Naing, Ko Ko Gyi, Ko Mya Aye, Ko Zar Ganar, leh midang 2000 chuang jail chhunga awm mek te chhuah thuai/vat tura ngenna a ni. Tunah hian political avanga sipai sawrkarin jail-a a khung tak, jail tang mek mi 2000 chuang an awm a, chung mite chu a rang thei ang bera chhuah zalen thuai turin kan ngen a ni.

Harsatna hi ringtute pum tha ber a ni

Photo - Google Images

"Ka khawngaihna i tan a tawk e. Ka thiltihtheihna hi chak lohnaah asin tihfamkimin a awm ni" (II Kor. 12:9).

Pathianin kan tawngtai hi a chhang thin a. Mahse min chhan dan chu kan tuarna leh phurritte la bo tur zawng ni kher lovin chu phurrit chu phur thei tura chakna nasa lehzual min pek belh a tum thin zawk a lo ni fo. Kan phurrit phurh hi nunna kawngka zim leh boralna kawngka zau inkara daidanna bang duhawm tak an ni. 

Myanmar (Date of Admission) to UN Agencies

Heng a hnuaia mite hi Myanmar (Burma) in UN Agencies a, a telna te an ni hlawm a, a tel ni leh thla, kum te an ni e. 

11 September 1947  -  Food and Agriculture Organization (FAO)

18 May 1948           -  International Labour Organization (ILO)

1 July 1948              -  World Health Organization (WHO)

8 July 1948              -  International Civil Aviation Organization (ICAO)

27 June 1949           -  United Nations Educational, Scientific and Cultural Organization (UNESCO)

19 August 1949       -  World Meteorological Organization (WMO)

1 October 1949       -  International Telecommunication Union (ITU)

4 October 1949       -  Universal Postal Union (UPU)

Vawiin hi hun tha a ni

Stephen Grellet-an, "He khawvel hi tum khat chauh ka paltlang dawn a. Thil tha emaw, nghilneihna emaw, midang chunga ka lantir theih chu tunah hian ti theiin min siam ang che. Chu tihtur lak atang chuan min pen botir suh la, min ngaihthahtir hek suh, he ka zin kawngah hian ka lo kual chhuak leh ngai tawh dawn si lo," a tih hi chuan finna thu a pai tam ngawt mai.

Photo - Google Images

Nitin mai hian mi sang tam takin anmahni leh midangte tana khawvel nuam zawk an siam theihna hun remchang chu an kutzungtang karah an puh botir zung zung reng a. Roreltu te, Politician te leh mi hausaho chauh hi chutiang ngaihthahna pawi khawihtute an ni hauh lo mai. Dik tak chuan mi naran, nang leh kei, pasal leh nupui u leh nau, pa leh fa leh thenawmte hi chutiang pawi khawihtute chu kan ni deuh ber zawk. Tuemaw kan hmangaihna leh kan hrereng a ni tih lantirna tur kha kan ti lova, chu chuan kan hmangaihna leh kan ngaihsakna a lantir thei lo a ni. Nakina kan tih tum leh tuna kan tih mai remchang inlen hleih em avang te pawhin chutiang hun tha chu kan bawhpelh thin a lo ni.

23rd Anniversary of '8888' Uprising Burmese Embassy, London-ah kan hmang

by L.M.Kima

Photo-Martin

Photo-Munno

Vawiin August ni 8, 2011 hian 23rd Anniversary of '8888' Uprising hun kan hmang. Chhun lai dar 12:00-1:00 inkarah khan 8888 denchhenin Burma Campaign huaihawtna hmanga demonstration neih a ni. A bik takin tun hnaia Germany-ina Burma nena insumdawn tawnnaah duh loh entirna hun hman a ni bawk. Tichuan darkar thra zen zawn hun hman a nih hnuin a thren chu Burmese Embassy lam panin kan kal chhuak a, London kawng laiah kan ram flag leh NLD flag kengin kawng kan zawh phei suau suau mai a ni. 

Tichuan Burma Democratic Concern huaihawtnain Burmese Embassy hmaah (23rd Anniversary of '8888' Uprising) hun hman a ni a. Kum 1988 kuma sipai sawrkarin silai hmanga an kah hlum tak te puala sunna hun hman a ni bawk. Mipui 250-300 inkar vel kan kal khawm a, kan kalkhawm thrahnem hle a ni. Kum 1988 kuma thi ta te sunna hun kan hman zawhin Burma Democratic Concern (BDC) Director U Myo Thein hnen atrangin fuihna thuchah kan ngaithla a. Tichuan fuihna thuchah ngaihthlak a nih hnuin 88 hriat rengna entirna drama tawi neih a ni leh a, chumi hnuin BDC Activist Ko Htein Lin hnen atrangin kal ta te sunna hla thu chham neih a ni bawk. 

Abraham Lincoln leh John F. Kennedy te inanna

16th President of the United States
Abraham Lincoln

America ram President hmingthang pahnih Abraham Lincoln leh Kennedy te inanna hi sawi a ni fo va, a kimchangin hetiang hi a ni. Thil awm theia mawi pawh a ni lo.

1.  Lincoln hi kum 1860-ah, Kennedy hi kum 1960-ah President an ni ve ve. (Kum 100 dan)

2.  Negro(midum) hote tana sulsutu an ni ve ve.

3.  Zirtawpnia thah an ni ve ve.

4.  White House-a an awm laiin fapa sen an hloh ve ve.

5.  Hnunglam atanga silaia kah ve ve an ni.

6.  Lincoln hi Ford company lemchanna ina kah a ni a, Kennedy hi Ford Company motora a chuang lai kah a ni.

7.  Vice President Johnson tih hming pu ve vein an thlak.

Kristian mi ropuite leh khawvel mi ropuite, an thih dawna an thusawi te

@Martin Luthera : Ka Pathian hi pathiante Pathian a ni a, amahah chuan he thihna hi ka bih ruksan dawn a ni.

@John Knox : Ka nunna, Kristaa ka nunna chu he thihna trihbaiawm tak hian a ngam loh avangin hlauh reng reng ka nei lo ve.

@John Calvin-a : Lalpa, thihnain min chim mah se, i kuta ka awm ni atrang khan ka lungawi tawk tak zet mai.

@Richard Baxer-a : Natna zawng ka nei na meuh mai a, nimahsela ka nunna a khawih buai lo. Muanna, muanna chu a kim ta.

@Charles Wesley-a : Lalpa, nangmah anna famkim neia ka meng ve dawn ta hi ka lung a va awi em! Lungawina, lungawina chu a thleng ta e.

Edwin M. Stanton leh Abraham Lincoln

Abraham Lindoln
16th President of the United States

"Chu thil thra tih chu kan awmna turin Pathianin a buatsaih lawk a ni." (Eph. 2:10).

Edwin M. Stanton-a chu Abraham Lincoln-a nen roreltu hmaah thubuai an nei a. Stanton-a chuan Abraham Lincoln-a chu a hmusitin a tham lo em em a, a rilru tihnat theih dan bera tihnat a tum a, phuba lak theih ang anga phuba lak a tum bawk a. Nimahsela America ramah an lal berah (President) Abraham Lincoln-a chu a trang ta si a. Stanton-a tan chuan a hlauhawm hle mai ang tih mite chuan an ring hial awm e. Stanton-a pawhin a hlau ru hle ta ve ang. 

Malaysia-a Refugee te leh tunlai boruak (kut nem chungchang)

UNHCR in engtik nge register a neih dawn tia beng kan chhit lai mek in rin loh deuh zawk lamah rilru hawi a ngai. 

Kan hnung deuh khan group mailah Malay sorkar in a ramchhunga illegal worker te kut nemna (6P) neihtirin work permit pek chhuah a tum thu ka rawn thai lang zauh tawh a. Kha tih laia an puan dan chuan July 11 a hma la mai tur kha ani. Mahse permit nei reng si, 6P (6P=registration, legalisation, amnesty, supervision, enforcement and deportation) boruaka permit neilo anga luh tuma factory tlansan legal worker 15% (factory lian tak 6 -a HR ten Minister hnenah thu an thlen) vel an awm avangin illegal te kut nemtir an nih hmain legal worker depdet tum te berek nan legal worker (work permit la nungte) te kut nem tura thuchhuah an siam rawk rawk ta ani. 

Rampum huapa Legal workers 1.8 million te chu July 13 (?) tang July 31 thleng khian kut nem tur tih an ni. Foreign workers 500 emaw, a ai tam emaw chhawrna hmun angah chuan Immigration (Lah Wah Kah) hnenah hnathawhna hmuna kut nem na tur dawhkan bun (set-up a counter) tir theih ani. Legal tan kut nem hun chep tawh hle mahse kut nem zat chu million 1 chu sawi loh nuai 3 (upto 26 July- 390,404 workers) leh tih vel chiah an la ni.