Zo Vapual

Malaysia-a Refugee te leh tunlai boruak (kut nem chungchang)

UNHCR in engtik nge register a neih dawn tia beng kan chhit lai mek in rin loh deuh zawk lamah rilru hawi a ngai. 

Kan hnung deuh khan group mailah Malay sorkar in a ramchhunga illegal worker te kut nemna (6P) neihtirin work permit pek chhuah a tum thu ka rawn thai lang zauh tawh a. Kha tih laia an puan dan chuan July 11 a hma la mai tur kha ani. Mahse permit nei reng si, 6P (6P=registration, legalisation, amnesty, supervision, enforcement and deportation) boruaka permit neilo anga luh tuma factory tlansan legal worker 15% (factory lian tak 6 -a HR ten Minister hnenah thu an thlen) vel an awm avangin illegal te kut nemtir an nih hmain legal worker depdet tum te berek nan legal worker (work permit la nungte) te kut nem tura thuchhuah an siam rawk rawk ta ani. 

Rampum huapa Legal workers 1.8 million te chu July 13 (?) tang July 31 thleng khian kut nem tur tih an ni. Foreign workers 500 emaw, a ai tam emaw chhawrna hmun angah chuan Immigration (Lah Wah Kah) hnenah hnathawhna hmuna kut nem na tur dawhkan bun (set-up a counter) tir theih ani. Legal tan kut nem hun chep tawh hle mahse kut nem zat chu million 1 chu sawi loh nuai 3 (upto 26 July- 390,404 workers) leh tih vel chiah an la ni. 


1 August tang illegal workers (work permit thi tawh te leh passport thi tawh te) te kut nemna tran tum ani. Kut an nem fel hnu atanga thla 6 na vel ah work permit chu peih fel tur anga sawi ani.

Kan mi leh sa thenkhat UN card emaw, Community card (ACR, CRC, MRO)emaw leh work permit vawn kawp an awm a. Kut nem a pawi leh pawiloh thurawn dawngsawng hman an awm laiin thenkhat chu an boss ten an hnathawhna hmunah Lah Wah Kah kovin hrilh lawksa an nih loh vangin kut nem ta mai an awm bawk. 

UNHCR officer in July 7 khan Community hruaitute kokhawmin UN beisei tan khawimaha kut nem lo turin a sawi. (kimchang zawk Pu Khalha'n a post tawh) UN card, Community card, khawi maw zawk zawk vuana 6P program a kut nem ta te chunga thil thleng tur erawh sawi rik a la awmlo. 

Community card vuan (work permit nei pawh, neilo pawh) UN beisei chuan kut nem lo kha a him ber. Boss ten i nem loh chuan chhuak rawh an ti anih tak leh Malaysia i rawn kalchhan kha han ngaihtuah leh vang vang la, UN anih chuan i passport chhuahsan hreh lo mai rawh, UN anih lem loh chuan kut nem kha i sa himna ani. 

Kar kal ta khan UNHCR registration officer lian ber chu Immigration in vawi e nge maw zat ko in biangbiakna an nei tih thu dawn anih avangin UN card vuan te pawh kut nem tir an ni lo ang tih a sawi theih lo.

UN card vuan (work permit nei pawh, nei lo pawh) te hriat ngei ngei tur pakhat chu UN atanga nem tur thuchhuah siam ti a i hria anih hma chu boss ten nem tir vang khan nem mai suh ang che. I Boss-in UN card vuana thawk i nih a hriatsa che phei chuan UN mi leh sa i nih avangin UN tanga thuchhuah a awm chauhva, i nem kha i tan a that zawk thu hrilhfiah ngei bawk la. UN card vuante kut nem tir an nih dawn tak tak chuan UNHCR office a chet loh a theih loh. A mi leh sa te humhim hna hi a tih tur ve reng ani. 

A hnuaia khu 6P chungchanga UNHCR in thurawn a pek a ngai ngaiin ka rawn hnuk lut a, tunlai Malaysia refugee leh 6P boruaka rilru rim tak te tan a tangkai ngei ka beisei. 


Ka lawm e. 

In thrian,
zoi
KL




He thuziak hi CZZ groupmail atranga lak chhawn a ni. Ed