Zo Vapual

International Day of Democracy (2011) a pi Suu Kyi-i fuihna thuchah

Vawiin International Day of Democracy chu (ramchhung) NLD hmunpui Yangon office ah hman a ni a, he inkhawmnaa NLD General Secretary pi Aung San Suu Kyi-i thusawi tlangpuite tarlan a ni.

Photo - DVB

Democracy inbeihna/indona kan tih hian a dik tak chuan rilrua inbeihna/indona (chhungril lam ngaihtuahna hmanga inbeihna/indona ) a ni.

'Democracy inbeihna/indona kan tih hian a dik tak chuan rilru leh ngaihtuahna hmanga inbeihna/indona a ni. Democracy ngelnghet kan siam dawn a nih chuan kan rilru ngaihtuahna hi Democracy nen a inmil tur a ni. Democracy nena inmil tak rilru kan pu tur a ni bawk. Kan kain engtiang khawpin sawi eng ang mah ila kan rilru put hmang a dik miau si loh chuan kan hlawhtlin tur angin kan hlawhtling thei lo vang. Rilru inbeihna/indona kan tih hian rilru ngaihdan thlak thlengna hi a ni. Ngaihdan thlak thleng han tih hian tun dinhmuna thil thleng pakhat chiangkuang taka thlak thlengna a ni a, hriat hran theih turin thlak thlengna lian tak siam a ni.'

Democracy nena inmil rilru kan pu tur a ni.

'Democrcy kan duh a, Democracy ngelnghet neih kan duh tak tak a nih chuan kan rilru put hmang hi Democracy nena inmilin kan pu tur a ni. Democracy nena inmil lo rilru ngaihtuahna sual te, ngaihdan tha lo te, Democracy nena inmillo ngaihdan suak te kan pu a nih chuan chung te chu kan bei/do let ngam tlat tur a ni. Kan bei/do let ang a, Democracy nena inmil rilru ngaihtuahna fim tak kan pu bawk ang.

Democracy inthlakthleng hi ram dangina an hman aia tha neih hi ka duh.

'Democracy chu hmangaihnaah a inghat ang a, hei hi kan ram Democracy-in a a ken tel thil pawimawh tak pakhat a nih ka duh a. Democracy dan hi hmangaihnaah a innghat tur a ni tih chu a awm lo va, amaherawhchu Democracy dan leh dun te, Democracy ngaihdan te, Democracy hman dan te piah lamah hian hmangaihna kan telha ke kan pen phawt chuan ramdang Democracy hmang te ai maha tha zawk Democracy dan tha tak kan din thei ngei ang tih hi ka ring tlat a ni.'

Ram political a inthlak danglam hian ram emaw mipui emaw ti na zawng ni lo va inthlak danglam hi a pawimawh a ni.

'Democracy-a thil pawimawh ber mai chu enge kan tih chuan Democracy dan hnuaia sawrkar inthlak danglamnaah hian ram ti na zawngin a nghawng lo va, mipui a ti na lo bawk a; engkim mai hi inchuktuah rem takin ralmuang takin leh zahawm takin a tih theih a ni. Sawrkar han tih hian a hun takah chuan a inthlak danglam a, he mi leh he mi ringawt awpbeh hi chu Democracy a ni tawh lo va, Democracy dan kan pawm a nih chuan sawrkar inthlak danglam pawh kan pawm tur a ni. Chuvangin he inthlak thleng danglamna hi a ralmuang ang a, a zahawm bawk ang a; ram leh mipui tan harsatna a thlen tur a ni lo va; sawrkar tla ta te pawh  a khawih tur a ni lo va, sawrkar ding thar hnenah pawh intiamkamna a pe tur a ni lo a, a zavaiin rual takin a hrut rualna hnuaiah a awm tur a ni.'

Democracy danah hian mahni hna hamthatna a inbuk tawn tur a ni.

'Eng hmunah pawh kan hlawhtling duh a nih chuan kan duty (hna) leh hamthatna hi a inbuk tawn tur a ni. Mahni hamthatna rigawt kan ngaihtuah tur a ni lo va, mahni hamthatna kan duh a nih chuan kan hnaah kan thawk tha tur a ni. Thenkhat chuan an ti ve mai mai a mahni hna pawh hre chiang lo an awm a ni. Chuvangin ka-in hna thawk in ti viau siin duty chu engnge a awmzia? Ngaihtuah chian a ngai a nia. Mi pakhatin a hna hi a in ang reng thei lo va, in an loh chan a cham mai nia.'

NLD member te hnena thuchah

'NLD member te kum chuang member lo ni tawh a, lo thawk tawh bawk a nih chuan tun dinhmuna kan hna hi enge ni ta? Engtiangin nge hma ka lak zel ang tih chu mahni hriatna hmang pawhin bei na sa rawh u. Mite sawi na zawng pawh awih tur a ni lo va; ka sawi na zawng pawh hi awih tur a ni lo. Mahni leh mahni han zir chet chet u la, chumi hunah chuan kan ngaihdanah kan chiang tur a ni. Chumi hmang tur ngel nghet taka dingin ke han pen sauh sauh teh u... tih hi ka chah mawlh mawlh duh che u a ni.'

Thu lakna : DVB