Dalai Lama'n pi Suu Kyi Czech Republic-a kal turin sawm
 |
| Photo : Google Image |
Czech Republic rama Conference neih tura tel ve ngei turin Nobel Peace Prize dawngtu Tibet puithiam Dalai Lama chuan pi Suu Kyi (Nobel Peace Prize, 1991) chu sawmna lehkha a thawn a ni.
Tun hnaia NLD Office-a lehkha an dawn angin December chawhma lam khian Czech Republic ram, Prague khawpuia Conference neih tura an buatsaihah hian Nobel Prize chawimawina nopui lo dawm tawh zawng zawng te leh khawvel hruaitu then khat te pawh tel tura sawm an ni.
Pi Suu Kyi hi kum 1988-a Myanmar-a a lo hawn atang khan vawiin ni thleng hian ram dangah a zin chhuak leh tawh lo. Pi Suu Kyi hi Nobel Peace Prize chawimawina nopui a dawn mai bakah chawimawina chi hrang hrang 100 chuang dawngtu a ni a, chung zawng zawng te pawh chu amah ngeiin a la thei lo a ni.
Pi Suu Kyi hi khawvel ram hrang hrangah kalin zin kual ta se la, Myanmar-a lut leh turin visa-ah harsatna a tawh hlauhna avang te pawh a ni bawk. Amaherawhchu khawvel pum huapa inhmuhkhawmna (Conference) ang chi te chu video-a la chhawngin thawn chhuah a ni a, a changin online atanga inbiaknate pawh buatsaih thin a ni bawk.
Thu lakna : Mizzima
No comments:
Post a Comment