Zo Vapual

Lung natna ata inven dan chi 7

@ Zial zuk loh 

Lungna avangin mi tam tak an thi a, zaa sawmhnih (20%) hi zial zuk vanga thi an ni. Zial zuk ban san hian kum khata lung dawt zim nat theihna zaa sawmnga (50%) a tla hniam a, zial zuk bana kum 15 a ral hnu chuan zial zu lo te angin an awm leh thei.

Photo : Google Image

@Thlai hnah, sangha leh thil dang ei tam a tha

Hriak tam tak ei hian thisen dawtah thau hmangin a hnawh thei a, thlai hnah ei tam hian lung natna a tih zia awm phah.

@Thil al ei tlem tur

Sodium tam lutuk ei tam avanga thisen sang thin avangin zeng natna neih a awl hle. BP teh pawh a changin zawn hmuh loh chan a awm thin. Chuvangin a al ei tam loh a tha a, lung natna laka invenna tha ber a ni.

@Chet tam a tha

Kum khat chhunga thihna tam bera Mtd 2 chu taksa chetna neih loh vang a ni an ti. Ni khata minute 10 chhung thlan tlain vawi 3 neih thin hian lung nat theihna zaa sawmli (40%) thleng a tla hniam thei a ni.

@Rilru hahna tikiang rawh

Hna lam chungchanga rilru hahna hian lung nat duhna hun remchang tak a siam thei. Chuvangin rilru hahna tikiang tur hian tan lak a tha.

@I fate theihnghilh suh

Lung na hi zanah chauh a ni si lo va, lung dawt thisen kawng tuamtu/tiphuitu a lo awm theihna tur phei chuan kum tam tak a ngai. Chuvangin nu leh pate hian an fanaute tana an nakin huna lung natna an vei loh nan mahni inah fate hriselna nena inmil tur te, ei in chungchanga vitamin awmlo ang chi te limit neia eitir a tha a ni. Naupangte chu nilenga TV hmaah leh Computer hmaa an thut reng aiin an taksa sawizawina ngaihtuah tel a tha. Hetianga tih hian an hriselna nena inmil tur an nei thei ang. Tichuan an puitlin thlengin an hriselna atan a tha dawn a ni.

@Mahni in enfiah reng a tha

Hei hi mi zawng zawng tan a ni a, a bik takin thisen lam chungchanga kum 60 tlin hmaa lung natna emaw zeng natna emaw avanga harsatna lo tawk te tan a pawimawh a ni. Nangmahah pawh a hlauhawm theih vang a ni e.

Photo : Google Image

Thu lakna : Reader's Digest March 2003