London Kachin unaute huaihawtnain Burmese Embassy hmaah duhloh entirna neih a ni
Protesters in London (photo-Burma Campaign UK)
Vawiin 24th June tlai lam dar 1:00 - 3:00 inkar vel khan London-a awm Kachin unaute huaihawtnain tun hnaia Kachin ram chhunga sipai sawrkar leh KIA te inkahna chungchang duh loh entirna Burmese Embassy hmaah neih a ni. Mi 200 tha kal khawm te chuan darkar hnih tha zet Burmese Embassy hmaah hun an hmang a, UK based Kachin National Organisation (KNO) leh Kachin National Council (KNC) huaihawtnaa kawng zawhnaah hian tunlai Kachin ramchhunga thil thleng chungchanga sipaiin KIA a kah chungchang chu duh loh entirna neih a nih mai bakah UK a awm pawl hrang hrang hruaitute hnen atangin thuchah tawi ngaihthlak a ni bawk.
June 9 atanga intan tawh sipai sawrkar-in KIA a beihnaah hian Kachin hmeichhia a tlem berah mi 18 chuangin pawngsual an tawk a, pawngsual tawk thenkhat zingah hian sipai hovin an nunna an laksak tak te pawh an awm. Khaw then khatah chuan mahni in lum pawh luah ngam lovin ramri lam panin an tlan chhuak a, China leh Burma ramri lamah mahni sahimna zawngin an in saseng hlawm a ni.
Hetianga Kachin ramchhunga thil thleng tha lo tak tak te avang hian Kachin Community chuan ram thenawm China, India leh ASEAN member ram te hnenah chuan sipai sawrkarin a thiltih hi titawp turin leh a rang lama hmala turin an ngen bawk. Malaysiaa Burma Embassy hmaah pawh Kachin refugees mi 200 vel kal khawmin sipai sawrkar thil tih duh loh entirna neih a ni bawk.
Thu lakna : Chinland Guardian
No comments:
Post a Comment