Zo Vapual

Party chu pi Suu Kyi-in mi thar zawk te nena hmalak duh

National League for Democracy (NLD) hi pi Suu Kyi chuan thrangthar ngaihtuahna thar zawk nena hmalak tlan a that thu, Upper Myanmar-a States leh Divisions pasarih atanga thralai lo kalkhawmte nena an inkawmnaah a bik takin a sawi/fuih a ni tiin hmunpui roreltute zinga mi thralai hruaitu pakhat Ko Myo Nyunt chuan a sawi.

Pi Suu Kyi-i House Arrest atanga an chhuaha Upper Myanmr
NLD thralaite nena inhmuhkhawmna hmasa ber ni 28.6.2011,
zing dar 10:30 atanga tlai dar 3:00 thleng, Yangon khawpui
Bahan Township, NLD Office rorelna hmunpuiah neih a ni a,
States leh Divisions atangin mi 80 chuang an kalkhawm a ni.
Photo - NLD Youth

Mandalay, Sagaing, Maguay leh Shan, Kachin, Chin, Kayah State atanga mi 80 chuang lo kalkhawmte nena inhmuh khawmna hi Yangon khawpui, Bahan Township, NLD Office hmunpuiah ni 28.6.2011 thawhlehni zing dar 10:30 atanga tlai lam dar 3:00 thleng neih a ni. 

Hei hi Party Secretary leh Thralai department chungchanga mawhphurna latu ni bawk pi Aung San Suu Kyi-i leh Upper Myanmar-a NLD party thralaite nena inhmuh khawmna hmasa ber a ni bawk.

"Innghahna hlimawm, party tana mi thrahnemngai tur te hmel a lang a, kum upa zawk te zah dan an thiam a, kum upa zawk ten an chawlhsan hnuah pawh an awmna hmun an luahlum theih nan tun atanga inzirtir a, chi tuh a ngaih thu a bik takin a sawi thu....." hmunpui roreltute zinga thralai hruaitu Ko Myo Nyunt chuan Mizzima chanchin bu hnenah a hrilh a ni.

A sawi zelnaah chuan,"Ka hriat thiam dan chuan kan party ah hian a bul thut atangin thrangthar zawk te nihna peka luahtir an nih tur thu a ang hle" tiin a sawi. 

Vice Chairman U Tin Oo chuan pawhin thralai department-a mawhphurhna neitu hnenah rilru inhawng tak leh thu khuh nei hauh lo va sawipui bawrh bawrh turin thralaite a fuih a, chutiang bawkin thrangthar thralai te pawhin lungrual taka hma la ho zel turin a fuih bawk a ni.

Thlalak : NLD Youth

Thu lakna : Mizzima Chanchinbu