Zo Vapual

Kan Veng (Agape Kids Club)

Khumtea, Mandalay

Pathian venhimna zarah kan awm hmun theuhah kan dam tlan  ka  beisei.  " Vawiin  chu  ka  han bawk deuh hun ang e" ka ti!!

Aw le,,kidz club tih hi kan veng a din ve tirh atrang tawh khan tunthleng hian kan khawtlang chuan kan hmelhriat zawng a in ka ring lo. Lalpa trul tihna avangin tun hian Tahan leh a chhehvelah poh la awm ngai hauhlo chu kan vengah bul tran a ni ta e.

Kan hriat threuh angin u Thranga reng reng hi chu,,,,mission rawngbawlna hi a mutmawh hnarmawha a lo neih atan leh a nupui atan reng a'n Lalpa a lo pe ni berin a lang. Kawlram zofate mission rawngbawlnaah harh turin kum tam tak ke a lo pen tawh a. Wesleyan kohhrana a awmlai khan Myanmar Wesleyan kohhran chu Mission vei kohhran ni turin Lalpan a mah hmangin a chher kan ti theih awm e.(Tunah erawh rawngbawlna zau zawk a beisei avangin Sanmyo Baptist-ah a lawi a ni.)

Thalai lehkhathiam tam tak kan neih laiin Missionary-Lalpan trul a tih ber leh kan ram leh kan hnam dinchhuahna tura min pek hna ropui, thawk tur erawh kan inhmu zo tawh lo a ni ber a. Chuvang chuan Lalpan U Thranga a kohna kawng thar chu 'tuna kan naupangte hnenah hian Mission rilru tuh' a ni ta a.

Naupang thral sikul chawlhlai a ni bawk a; Nl. Ramengmawii(Tahan), Shan ram(Namsam)ah kum thum chhung Wesleyan kohhran tirh missionary thawk tawh a hriselna avanga chawl tura lo hawng, leh Tv.Rualliankhuma (keimah) te chu kan veng naupangte Zeraphath Bethel-ah ko khawma Pathian thu zirtir thrin turin a sawm a. Anni pawh an tuina zawng a lo ni a.
 

Tichuan, April 19, 2011-ah Rev. Lianchia'n hriakthihin Zeraphath Bethel-a chawnghei tawngtaite nen a hlanna an nei ta.(,,a,,"tun atrang chuan kan tih ka hman tawh mai ang e"_Khumtea)

April 20, 2011 chhun dar 12:30 atrang naupang paruk nen Zeraphath Bethelah chuan bul tran a ni ta a ni. Thal sikul ka zirtir lai a ni a, ka hote hnenah ka hrilh chauh kha  a ni a,han tlangzarhna em em kan nei hman lo va.  A ni hnihna-ah erawh mi -30 kan tling der mai a.
 Tunah chuan member nghet siamin mi 50 chuang hrette chu Club member-a siam an ni ta a.

Thal chhung zawnga kan hun hmandan tlangpui:

-Nitin(Sat & Sun tihloh) chhun dar 12:00-2:00 ah Zeraphath  Bethelah
zirna neih thrin a ni.  *zirna tihah hian kawl leh Sap Action hla te, Bible chang leh tawngtaina te, kawl tawnga ziak Bible thawnthu zirhona te, Drama, tawngtairualna te, chhehvel tihthianghlim te-a hun hman thrin a ni tlangpui.

-Group thren an ni a; in lama mi trangkai tak ni tur te, fai turte leh tehna chi hrang hrang nen mark pek an ni thrin a, mark 10 hmu Grp chuan sweet tui tak an ei thrin.

-Hi Kidz Myanmar Foudation buatsaih Varpui khaw Day Camp-ah April 22-24, ah mi 30 an lut a.

-Hi Kidz Myanmar Foudation leh Tahan  Christian Children Network ten an buatsaih "Children Night"-ah hun min kian ve hlauh mai a. Action song pakhat kan show ve bawk.

-Children Evangelical Fellowship, Kalaymyo te ruaiin  May23-35, khan Satawm & Sanmyo khawtlang pum huap (kawl trawng hmangin) Day Camp buatsaih a ni leh a. Camper 100 chuang an lut a. kan hlim tlang hle.

-May 31,2011 -ah kan khawtlang kohhran tina  Pastorte leh Upa te nen Club member-te 201-2012 Academic Year hlanna chawnghei tawngtai hman a ni bawk.

-A Khat tawkin hringnun leh Kristian nuna zirtirna thra film thra te an en thrin bawk.

Tichuan, tunah hi chuan sikul an luh tawh avangin an chawlhni-ah chauh zirna chhunzawm a ni ang a;  an lehkha zirna tranpui turin Night Sikul hawn a ni leh a. kan khawtlang-ah volunteer-a hrilh thei tur zawn a ni a. Part time leh full time-a thawk tur zirtirtu mi 10 nen
Wesleyan Chapel,-ah bul tran leh bawk ani.

Member lak dan:

-A tir atranga regular taka kal thrin mi 53 vel chu member-a ziah luh an ni.

-Kal chak tam tak awm mah se hmun ram leh zirtirtu indaihloh avangin kal belh phal an ni tawh lo va.

-Kohhran 8 atrang naupang kum 7 chunglam te an ni hlawm.

Kal zel dan tur(Vision):

-Sponsor neih tum a ni lo.

-Naupangte nen rinna-in Pathian thiltihtheihna rinchhan dan zira ke pen zel

-Hi Kidz Myanmar Foudation nena inzawm.(an ni hian sum leh pai lamah ni lovin zirtirtu training leh naupang inchaina leh adt, min pek theih dawn avang leh inkaihhruai dan mumal tak kan thiam theih nan kan ti a ni.)

-Naupangte thlarau, rilru leh taksa-a hmasawna thranlian tura kaihhruai.

-Kawl trawng thiam tura kaihhruai

 Aw le,,ka tih ang tak takin ka rawn baw ta huk mai le!! Mahse, inchhiar zoh hram ka beisei.  Kan khawtlangah Lalpan hetiang thil min tihsak leh hi a ropui ka ti a ni. Lalpa kan lawm e.

 Sum leh pai lamah kutdawh rilru pu-in ka ziaklo tih min hriatpui ka beisei. Tawngtaipuina a ni kan mamawh chu,,;a dang zawng chu Lalpan a thawk mai ang. June 8 khan keipoh ka zirna chhunzawm turin Mandalay ka chhuk tak avangin U Thranga a phi vut vut mai a ni. A fate-ah a ngai a ni ber mai. tichuan, a bantlang thei ta chiang mai le,,

Lalpan Satawm  veng  mal min sawm zel rawh se! Amen...!