Zo Vapual

Burma (Myanmar) ramchhungah Chin State rethei ber....

Chin State, Burma

Kawlram chhunga retheihn hluarna ber chu Chin State a ni tiin UNDP leh sawrkar thar hruaitute trang kawp chuan an chhinchhiah a ni. An enfiahnaah hian Chin State chu 73% niin ramchhunga rethei ber State a ni a, chuti zawhah chuan Rakhine State, Tanintharyi Region, Shan State leh Ayeyarwady Region ten an dawt a ni.

State rethei ber a nih chungchangah hian CPP secretary U Dai Thawng chuan Chin State-ah hian zirna, hriselna, sumdawnna engkim mai hi a chhe em em a, a bik takin zirna lam hi tun ai hian hmalakna chak zawk awm thei se tiin a sawi. 

"Ka hmuh dan chuan zirna hi thupui berah ka dah a, zirna lam tihhmasawn hmasak ka duh a ni. A pahnihna atan chuan hriselna lam ni se la. Zirna chungchanga naupangten hma an sawn chuan tun hnu kum 10, 15 hnuah chuan lehkha thiam an lo chhuak ang a, chumi atan chuan zirna hi a pawimawh a, uar se ka duh a ni."

Sawrkar lam pawhin an mawhphurhna, tih tur an neih te chu tiang hian a sawi, "Sawrkar lam hian zirtirtu tha tak tak rawn dah se la, a but thrut atan chuan a thlawna kai theihna ni se, hetiang hi min tihsak theih hi a ngai a ni. Mipuiten kan ziaawm phah ang a, naupangte pawh zirna lamah hma an lo sawn nan leh hriselna lamah pawh ni se hma kan sawn ang tih hi a pawimawh hle a ni. Sawrkarin min puih nasat a ngai a, mipuite pawhin tranhmun atranga beihpui kan thlak a ngai a ni."

Chin State chhunga zirna, hriselna chungchanga hma la tura kan mamawh te parliament-a kan thlen chu vawiin thleng hian hmalakna tak tak a la awm loh chu a sawi tel bawk.

He 'retheih hluarna ber' a ni tia an chhinchhiah hi in tin lut chhuaka list an lak atranga tih a ni a, In leh lo, sum lut, hnathawh zawng zawng a zavaia chhut atranga lak a ni.

Chin State, Burma (www.chinwomen.org)

Thu lakna : DVB