Lalpa malsawmna chhiar thiam ringtu
C.Lalmuankima
Newcastle UK
 |
| Photo : Google Image |
Kan neih chhun te te pawh hi Lalpan a khawngaihna a min humsak loh chuan a ni lo lamah an peng fo thin. Bible - a Zawlnei Hagaian a sawi 'ip mawng pawp...' kha a lo thleng ta thin a ni. (Hagaia 1:6) Tam tak ching a, tlem te chauh seng a, ei teuh si a puar leh tlai si lo hian a awm theih a ni.
Lalpaah zel hian kan neih ang ang te hi i kawltir ang u, tichuan anin eiraltu leh rawk hmang leh suamhmangte lakah min lo humhimsak zel dawn a ni. Chuti a nih lohva ni khatah pawh cheng eng emaw zat hai chhuak (la lut) thei ni mah ila, chung lamin eiraltute leh rawktute laka min venhimsak si loh chuan ip mawng pawpa thil thlak ang maiin a tla hiau hiau mai dawn a ni.
Pathian malsawmna te hi a chhiar dan thiam a van pawimawh tak em....!! A sum leh pai zawngin emaw, a in leh lo zawngin emaw nei thur thurin pung thur thur lo mah ila, kan neih chhun leh kan neih tawk te te a Lalpaa kan lawm thiam tluka hlu leh pawimawh hi a lo awm chuang hauh lo nia.
Lalpa malsawmna chhiar thiam lo tan chuan an neih tamah an hlimpui chuang lo va, an thlamuanpui hek lo; an neih thilin anmahni a nei let vat thin. Tichuan an neih tam poh leh a aia tam neih chakna thinlung an nei lian a, chu chuan anmahniah phurrit lian tak a siamsak fo thin a ni.
Lalpa malsawmna chhiar thiam tute erawh chuan an neih tawk leh an nuna an tawn thil thlengah an lawm thiam em em a. An la neih lohvah rilru haha lungkhamna an nei lo va, a pute Lalpaah zel hian an lawm thiam thin. Chungleng savate leh rannung te an nitin chaw ei tur pea chawm thin Lalpaah an innghat fel thlap a, (thu sawi thiam te tawngkam han hawh ve zuai ila....) hapui petu chuan a thial tur pawh a pe ngei ngei dawn tih hi an ring nghet tlat a ni. Chu chu Lalpa malsawmna chhiar thiamtute nun dan thuruk a ni tlat.
Lalpa tellova lei malsawm thila lawmna/hlimna hi chuan an/kan dawn zat chiah min titap leh thin. Amaherawhchu Lalpa lak atanga lei malsawmna kan dawn hi chuan kan dawn zat aia tam hlimna leh lawmna min thlen a, a petu Pathian hnenah lawmthu sawina tam zawk min siamsak ta thin a ni.
Lalpa malsawmna chhiar thiamtu nih zel i tum ang u, chumi ah chuan hlimna leh lawmna a awm si a.
Lalpaah zel hian kan neih ang ang te hi i kawltir ang u, tichuan anin eiraltu leh rawk hmang leh suamhmangte lakah min lo humhimsak zel dawn a ni. Chuti a nih lohva ni khatah pawh cheng eng emaw zat hai chhuak (la lut) thei ni mah ila, chung lamin eiraltute leh rawktute laka min venhimsak si loh chuan ip mawng pawpa thil thlak ang maiin a tla hiau hiau mai dawn a ni.
Pathian malsawmna te hi a chhiar dan thiam a van pawimawh tak em....!! A sum leh pai zawngin emaw, a in leh lo zawngin emaw nei thur thurin pung thur thur lo mah ila, kan neih chhun leh kan neih tawk te te a Lalpaa kan lawm thiam tluka hlu leh pawimawh hi a lo awm chuang hauh lo nia.
Lalpa malsawmna chhiar thiam lo tan chuan an neih tamah an hlimpui chuang lo va, an thlamuanpui hek lo; an neih thilin anmahni a nei let vat thin. Tichuan an neih tam poh leh a aia tam neih chakna thinlung an nei lian a, chu chuan anmahniah phurrit lian tak a siamsak fo thin a ni.
Lalpa malsawmna chhiar thiam tute erawh chuan an neih tawk leh an nuna an tawn thil thlengah an lawm thiam em em a. An la neih lohvah rilru haha lungkhamna an nei lo va, a pute Lalpaah zel hian an lawm thiam thin. Chungleng savate leh rannung te an nitin chaw ei tur pea chawm thin Lalpaah an innghat fel thlap a, (thu sawi thiam te tawngkam han hawh ve zuai ila....) hapui petu chuan a thial tur pawh a pe ngei ngei dawn tih hi an ring nghet tlat a ni. Chu chu Lalpa malsawmna chhiar thiamtute nun dan thuruk a ni tlat.
Lalpa tellova lei malsawm thila lawmna/hlimna hi chuan an/kan dawn zat chiah min titap leh thin. Amaherawhchu Lalpa lak atanga lei malsawmna kan dawn hi chuan kan dawn zat aia tam hlimna leh lawmna min thlen a, a petu Pathian hnenah lawmthu sawina tam zawk min siamsak ta thin a ni.
Lalpa malsawmna chhiar thiamtu nih zel i tum ang u, chumi ah chuan hlimna leh lawmna a awm si a.
 |
| Photo : Google Image |
No comments:
Post a Comment