Zo Vapual

Sai Nyunt Lwin kum 60 na piancham lawm

Sai Nyunt Lwin (Photo-DVB)

Tuna Kalay (Kawlpui) Jail-a tang mek, sipai sawrkarin kum 85 jail tang tura a chungchang an rel tak Shan National League for Democracy Secretary Sai Nyunt Lwin piancham kum 60 na chu chhungkhat laina leh thren leh rual thraten an lawm a ni.

Yangon khawpui Komyaing-a ama chenna inah lawm a ni a, politik lama a thawhpui te leh thren leh rual thra te nen an lawm thu SNLD hruaitu pakhat Sai Shwe Kyu chuan a sawi. 

"He piancham lawmnaa tel tura thren leh rual thra kan sawm te chu an lo kal kim hle a, politik lama a thawhpui te hnen atrangin U Aye Thar Aung, U Thar Baan, U Thawng Khaw Thang, U Naing Ngwe Thein, Pu Cin Sian Thang te an ni a, chhungkaw ukil lam atrang pawhin U Kyi Win, U Nyain Win leh U Aung Thein te pathum an lo tel ve bawk a ni. A piancham lawmnaa lo kal te chu ualkham an nih hnuin a chanchin tawi ziakna lehkhabu chu piancham lawmpui tura lo kal te hnenah pek an ni. U Nyunt Lwin atan hian piancham lawmpuina leh malsawmna lehkha (autograph) an ziak sak threuh va, hemi ni hian piancham 60 hriatreng nan sava 60 chhuah a ni. (Hei hi  Kawl ho chuan an tih dan thin a ni a,.... ed) Jail atranga a rang thei ang bera a lo chhuah thuai theihnan trawngtraina an hlan sak bawk."

U Nyunt Lwin hi politik lam thil avangin November ni 3, 2005 khan kum 85 jail tang tura a chungchang rel thluk a ni a, Insein Jail-ah khung hmasak a ni a, chumi hnu chuan Kalay Jail lamah thawn a ni. 

A chhung leh kuaten a jail tannaa an va kan hnuhnung ber tumin a mit leh a ha a chiang lo va a na tih mai loh chu a rilru lam erawh chu a la harh thrain a ngaihtuahna a la seng reng peih a ni tiin U Shwe Kyu chuan a sawi a ni . Tang an kan hnuhnung ber trum hian sawrkar thar inthlak chungchangah beiseina kan nei ve deuh va, a tak tak erawh chuan engmah a inthlak danglam lo a ni tiin U Shwe Kyu chuan a hrilh hre bawk a ni. 

Sai Nyunt Lwin hi sipai sawrkarin a man thleng khan Shan National League for Democracy ah Secretary hna chelhin mi pawimawh tak a ni a, UNA ah pawh Secretary hna a chelh bawk a ni. 

Thulakna : DVB