Zo Vapual

Pi Suu Kyi-i, Pagan pathian biak khualzin hlawhtling takin hawng...

Kawlhovin an pipu ro va an neih leh hmanlai pagoda hlui tak tak awmna hmun, Pagan khawpui, pi Suu Kyi leh a fapa Ko Htain Lin (Kim Aris) te inserh hrang ( pathian biak), ni 4 chhung hun hmanga an zinna chu vawiin ni khan hlawhtling takin an hmang zo ta a ni tiin NLD hmunpui rorel khawl hruaitu U Ohn Kyaing chuan a sawi a ni.

"Zing dar 11:5 ah khan Yangon Airport an thleng a, dar 12:10 ah ama chenna hmun, an inah tluang takin an thleng a ni."

Pi Suu Kyi-i pathian biak inserhhran khualzin kawngah hian an thlenna hmun apiangah mipuiin an lo hmuak a, zan lamah chuan an thlenna Pagan Hotel-a hotute leh staff te chuan lawmthu sawia thlahin vawiin ni khan Yangon-ah hlawhtling takin an lo thleng leh ta a ni. 

Pi Suu Kyi-i, a mimal thila a khualzinnaah hian a taksa himna chungchangah mipui te leh party member te, khawvel hmun hrang hrang atrang pawhin an thla a phangin an hlau thawng hman hle a. Chumai bakah sawrkar thuneituten a khualzinna hmuna mipuite hnenah lo lawm lo turin an ti nasa a ni.

Pi Suu Kyi-i khualzinna, a pathian biak inserhhranna hi Myanmar ram tan pawh thil thra tak a nih ngei an rin thu US sawrkar chuan thu chhuah a siam a ni. Pi Suu Kyi-i, ama mimal thil bakah hian politik lam chungchanga bialfan a tum leh a, a bialfan tum dan chipchiar zawkin a la inbuatsaih mek a ni tiin NLD hmunpui rorel khawl hruaitu U Ohn Kyaing chuan a sawi a ni.

Thulakna : DVB