KIA leh sawrkar thar la inkap zel....
Kachin State sawrkar palaite leh KIA palaite inhmuin ni li chhung engmah boruak thawmvang awm tawh loh hnuin pakhat leh pakhat an inkap chhunzawm leh a ni. Tun thla tir khan inkah hi tran a ni a, Moemouh Township-a Tarpine tuikhuah, kawlphetha siamna hmunpui bula pawn rawn chhuak sawrkar sipai rawn chhuak te chu tun thla ni 3 ni khan KIA lamin an lo kap a, tichuan sipai sawrkar lam pawhin an kap let ve bawk a ni tiin KIA hruaitu U La Nann chuan a sawi a ni. Pakhat leh pakhat inkara in kah haina sawihona chuan awmzia a nei lo hle a ni a ti bawk.
'Thil thar lutuk engmah a thleng lo va, thil nih dan pangngai a ni e. Vawiin ni atan chuan thil thar lutuk a awm lo va, anmahni lam atrangin chanchin kan la dawngsawng lo bawk' tiin.
June ni 30 nia State sawrkar palaiin anmahni lam chauh ena inrem tawh a nih thu a puan chu leh lam pawhin eng thu hla mah inremna a awm lo, official taka inremna min hmuh rawh u ti vein thu inhmu lo takin an inhmuhhona chu tih tawp a ni.
Tunah hian KIA leh sipai sawrkar te inkahna a la tawp rih loh avangin Kachin State- ah mi sang telin in leh lo nei lovin leh awmna tur mumal pawh nei lovin an awm phah a, in leh lo te an tlanchhuahsan a, zirna run te pawh beltu a hmu lo a ni. Kachin ramchhung hmun thren khatah te, ramri bul China ramriah te leh China ramchhungah te an tlan darh hlawm a, ei tur nei lovin mipuiin harsatna tam tak an tawk mek a ni.
Thu lakna : DVB
No comments:
Post a Comment