Sual aiah tha

Solomon-a thu leh hla te hian mifing angin a hming a tithang zual a. A thu leh hla hi ngun taka kan zir chuan a tam ber hi chu mimirin kan hmuh leh kan hriat sa ni mai awm khawpa thil tlanglawn niin a lang. 'Chhanna nemin thinur a tikiang thin a, mahse awka vin erawh chuan thinurna a chawktho thin.' te a'n ti a. He thu finzia hi hun leh ni lo ral zel hian a tidanglam ve hauh lo mai. I mimal nunah midangte nen in inkar chu tawngkam nemin nasa takin a tiphuisui thei a, midangte rilru tihliam thei tawngkam erawh chuan a cho chhuak duhawm lo thei khawp mai.

Mizo Tlangval I Ni Lawm Ni....?

By Linus

Tunlai khawvel kan thlirin Mizote pawh keimahni tawkah kan intodelh chhoin kan changtlung chho ve zel tih a hriat theih awm e. Ram hrang hrang-ah kan inpharh zau mek a, sum leh pai lamte pawh inchhekmuk tawh tak tak kan tam tan hle mai. Mahse, “mahse” tih a tul tlat thin.  Famkim lohna khawvel a ni miau a.

Nuam tak leh intithei ve taka tual kan len ve thinna, Tahan leh Tamu phai, Hualngo tlangdung leh vang , ChinState tlang dung te chhuahsanin atam zawk chu mi rama awm a lo tul ta a.  Tawrh chhel tak leh huaisenna te nen Malaysia- emaw, Delhi- emaw kan pan chur chur mai a. Mahni tana chakai khawrh theuh theuh insawisel neuh neuh pawh pawisa hman lek lovin mahni tuanna tlang theuhah mahni buai buaiin kan buai theuh zawng a nih hi maw!

Hringnun Olympics

Hringnun Olympics 

By Khuma Chhakchhuak

Tungchho a kal mihringte kan lo dinchan chhoh zel dan ngaihtuahin thil pakhat la dik chho zel a awm tlat mai. Chu chu ‘Survival of the fittest’ tih hi! Greek mi te’n an lo tan a, vawiin thlenga khawvelin ropui taka kan la hman chhoh zel Olympic Games -ah hian, sports -chi hrang hranga talent -nei tha te’n an thiam leh finna zawng zawng chu theihtawp chhuahin khawvel hmaah an pho lang thin a ni lawm ni.

Tunlai khawvel kan thlirin keini Mizo te paw’n kan ram(India) pum level la phak chiah lo mah ila, kan changkang sawt ve hle a ni. Kan ramah University- kan nei tawh. IT department- pawh hmanni lawk khan a ding ve ta bawk. IT/Computer Science subject -lam leh Mathematics- lam zir te pawh kan pung ve tial tial e. Doctor- zir ringawt mai kan tum bur vek tawh bik lo. Thil pakhat ah chauh fittest- nih ai chuan thil tamtak-a fittest -nih a tha zawk e. Olympics- hman zawh chiah ah pawh Chinese- ho an che tha hle mai. Achhan chu sports- tamzawkah fittest- nihna an hauh tlat vang a ni.

SER

SER

by Khuma Chhakchhuak

Naupan tet deuh lai han ngaihtuah ila, tun lai naupangte angin computer kan la nei ve lova, inchhung lama inkhung chiah chiah kha a theih loh hrim hrim a ni. A harh fal deuh te chuan hliam hnuhma leh pem te pawh (k)an lo ngah bik thin. Chungte chu serah an lo chang thin a, chu ser chu kumkhuaa kan lo put tur; kan taksaa bet ve reng tur a lo ni ta a ni. Chu hliam ser anga fam dairial min chanpui ve tur hi a lo awm reng zuk nia!

Kan ni tin nunah thil tih that leh that vak loh chang te a awm nuk mai. Tumah famkim reng kan awm lo. Ama’rawhchu, thil kan tih fuh vak loh te zingah hian kan tih phak(thiam) tih tak si loh te a awm thei hle thung. Chutiang tidik/ chhuahdik tur erawh chuan mahni bawk kan lo pawimawh leh thin. Mite’n an tih avanga tih ve rikngawt te hi a lo dik mawh thin khawp mai. Kan thil tih/sawi te hi sut leh theih mai zu ni suh.

Nupui pasal inthen dan phungte

Mipain nupui kawm rem thei lovin then se la, man zawng zawng a batte nen a pe kim vek tur a ni. Chu chu "Mak" an ti.

Hmeichhia zawkin a pasal kawp rem thei lova a then chuan - Man zawng zawng a pasal pek let vek tur a ni. Chu chu "Sumchhuah" an ti.

Kristian Thalai Chu A Taima Tur A Ni

Kristian kan nih angin Bible-in min zirtirna thu hi kan dah lal ber zel ang a, Kristian Thalai chu a taima tur a ni ringawt mai. Bible-in,"Thawk peih lo chuan ei pawh ei suh se," tih hi Kristian nun bul intanna a tihtheih hial awm e. Taihmakna tello chuan eng hna mah hi a thawh tak tak theih loh va. Ram ropui tehna chi khat chu neih thil 'Hausakna' hi a ni awm e. Chu hausakna ropui tak chu hmu leh nei tur chuan mihring a taihmak phawt a ngai a, chu taihmakna chuan hlawhtlinna a thlen ta thin a ni. Thufing pakhat chuan,"Mi taima tan chuan nitin mai hi hnathawhna ni a ni a tih laiin 'Mi thatchhe tan chuan nitin mai hi awl ni a ni," a ti ve thung.